Erteń AQSh-tyń Solt-Leık-Sıtı qalasynda short-trekten Álem kýboginiń ekinshi kezeńi bastalady. Iýta shtatyndaǵy jarysta Qazaqstannyń erler jáne áıelder quramasy da baq synaıdy.
Atap aıtqanda, erler básekesinde Abzal Ájiǵalıev, Nurtilek Qajyǵalı, Ádil Ǵalıahmetov, Denıs Nıkısha, Erkebulan Shamuhanov jáne Anton Hvan júldeli oryndarǵa talas júrgizse, áıelder quramasynan Alına Ájiǵalıeva, Iаna Han, Malıka Ermek, Alena Volkovıskaıa, Anastasııa Astrahanseva jáne Olga Tıhonova óner kórsetedi.
Aıta keteıik, osydan birer kún buryn Kanadanyń Monreal qalasynda máresine jetken Álem kýboginiń alǵashqy kezeńinde Qazaqstannyń erler quramasy 5 shaqyrymdyq estafeta jarysynda kúmis júldege qol jetkizgen bolatyn. Jigitterimiz Kanadada enshilegen kúmisti AQSh-ta altynǵa aınaldyrsa degen tilegimiz bar