Túrik áýe kompanııasy «Pegasus Airlines» Almaty-Ankara boıynsha tikeleı reıster júrgizedi, dep habarlaıdy Egemen.kz IIDM baspasóz qyzmetine silteme jasap.
Buǵan deıin Prezıdent tapsyrmasy boıynsha Qazaqstan men Túrkııa arasyndaǵy áýe qatynasy máseleleri boıynsha Túrkııanyń avıasııalyq bılik oryndarymen kelissózder júrgizilgen. Nátıjesinde taraptar marshrýttardy, reıster sanyn eki esege jáne tasymaldaýshylardy kóbeıtý jóninde ýaǵdalastyqqa qol jetkizgen.
Osy jumystyń nátıjesinde «Pegasus Airlines» túrik avıakompanııasy osy jyldyń 1 qarashasynan bastap Almaty - Ankara baǵyty boıynsha jańa reısti iske qosty, qazaqstandyq jolaýshylar Túrkııa astanasyna tikeleı reıstermen saıahattaýǵa múmkindik aldy.
Almaty - Ankara arasyndaǵy turaqty reıster A320 jáne B737 tıpti áýe kemelerinde sársenbi jáne senbi kúnderi aptasyna 2 ret oryndalady.