Aqmola oblysynda kásipkerlerden aqsha bopsalaǵan qylmystyq top quryqtaldy. Kúdikti topta 26-dan 32 jasqa deıingi aralyqtaǵy 6 er adam bar, dep habarlaıdy Egemen.kz.
«Qoqan-loqqy kórsetip, kúsh qoldaný arqyly ustalǵandardyń jergilikti kásipkerlerdiń birinen 2,5 mln teńge bopsalap, onyń Subaru Outback avtokóligin tartyp alǵany anyqtaldy. Búginde ustalǵandardyń oblys aýmaǵynda birqatar uqsas qylmysqa qatysy bar ekeni anyqtaldy. Jedel aqparat boıynsha buryn birneshe ret qylmystyq jaýapkershilikke tartylǵan kúdiktiler «urylar ıdeologııasyn» ustanyp, ony jastar arasynda nasıhattaǵan. Sondaı-aq top músheleri qarý qoldanyp, aqsha bopsalaǵan. Munda olar talap qoıý úshin jalǵan syltaýlardy qoldanǵan», dep jazylǵan Polisia.kz taratqan aqparatta.
Tintý barysynda olardan jábirlenýshilerdi qorqytý úshin qoldanylǵan esirtki, sýyq jáne atys qarýy tárkilendi. Osy faktiler boıynsha QR QK-niń 194-babynyń 2-bóligimen «Bopsalaý» boıynsha sotqa deıingi tergeý júrgizilýde. Kúdiktiler qamaýǵa alyndy.