13 qarashada Ystanbuldaǵy Taksım alańynda bolǵan jarylys saldarynan alty adam qaza tapty. Oxu.az saıty qurbandar jaıly derektermen jáne fotolarmen bólisti, dep habarlaıdy Egemen.kz.
Jarylys kezinde 38 jastaǵy qala turǵyny Arzý Ozsoı men onyń 15 jastaǵy qyzy Iаgmýr Ýchar qaıtys boǵan.
Taksımde 9 jastaǵy qyzy Ejrınmen serýendep júrgen 34 jastaǵy memlekettik qyzmetker Iýsýf Meıdan da bolǵan. Olar da beıbit turǵyndarǵa jasalǵan lańkestik árekettiń qurbanyna aınalǵan.
Sondaı-aq 40 jastaǵy Adem Topkara men onyń 27 jastaǵy áıeli Mýkaddes Elıf Topkara da qaıǵyly oqıǵa kezinde qaza tapqan.
Túrkııa Ishki ister mınıstri oqıǵa saldarynan 81 adamnyń jaralanǵanyn, olardyń 50-iniń úılerine shyǵarylǵanyn, beseýi jansaqtaý bóliminde jatqanyn málimdedi. Taǵy eki adamnyń jaǵdaıy aýyr.