Aqtaý qalasyndaǵy páterlerdiń birinde belgisiz zat jarylyp, bir adam zardap shekti, dep habarlaıdy Egemen.kz.
Aqtaý garnızonynyń baspasóz qyzmeti habarlaǵandaı, oqıǵa 2022 jyldyń 3 jeltoqsanynda bolǵan.
«Aqtaý áskerı bólimderiniń biriniń áskerı qyzmetshisi úıde bolǵan kezde belgisiz zattyń jarylýy saldarynan jaraqat aldy. Áskerı qyzmetshige qajetti medısınalyq kómek kórsetildi. Bolǵan oqıǵanyń mán jaıy anyqtalyp jatyr», dep habarlady vedomstvo ókilderi.
Baspasóz qyzmeti atap ótkendeı, ózge aqparat tergeý múddesi úshin jarııa etilmeıdi.
Dárigerler jábirlenýshiniń jaǵdaıy jaıly aqparat berdi.
«1988 jyly týǵan naýqas esin jıǵan. Qazir onyń jaǵdaıy - ortasha, sol jaq bilek býynynyń travmatıkalyq ampýtasııasy, bettiń termııalyq kúıikteri, kóptegen jaralar men magıstraldyń, qoldyń jáne aıaqtyń abrazııalary, kóz aımaǵynda kúıikter bar, konıýnktıvıt te anyqtaldy», dep naqtylady Mańǵystaý oblystyq kópsalaly aýrýhanasynyń baspasóz hatshysy Gúlmıra Sútibaeva.
Onyń aıtýynsha, búgin er adam reanımasııa bóliminen travmatologııaǵa aýystyrylǵan.