5 qańtar kúni áleýmettik jelide JEO mańyndaǵy sý qoımada úırekti zańsyz atqan er adamnyń vıdeosy tarady, dep habarlaıdy Egemen.kz.
Ekologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıteti atalǵan jaıtqa qatysty pikir bildirdi. Komıtet málimetinshe, kúdikti bir adam ustalǵan. Ol Astana qalasynyń turǵyny bolyp shyqty. Tabıǵat qorǵaý zańnamasyn buzǵan ekinshi adamnyń jeke basy anyqtalyp jatyr. Quqyq qorǵaý organdary eki azamatqa qatysty prosessýaldyq sheshim shyǵarady.
Esterińizge sala keteıik, Aqmola oblysynda úırek aýlaý merzimi tamyzdyń sońǵy senbisi men 30 qarasha aralyǵynda júrgiziledi.