INVESTORLAR SENIMINE IE BOLÝ – ELIMIZ KО́RKEIýINIŃ KEPILDI ShARTY

Gazetimizde budan buryn habarlanǵanyndaı, kýrortty óńir – Býrabaıda Memleket basshysy Nursultan Nazarbaevtyń tóraǵalyǵymen Qazaqstan Prezıdentiniń janyndaǵy Shetel ınves­torlary keńesiniń jalpy otyrysy ótken bolatyn. Onda elimizdegi ınvestısııalyq ahýaldy jaqsartý, ınvestorlardyń quqyqtaryn qorǵaý jónindegi sharalar, sondaı-aq, ındýstrııalandyrýdyń ekinshi besjyldyǵy sheńberinde ınvestısııalaý jáne tehnologııalar transferti máseleleri talqylanǵan edi. Jalpy otyrys barysynda kóterilgen máseleler men qabyldanǵan sheshimder ınvestorlar kóńilinen shyqqandyǵy seziledi. Osyǵan oraı tómende atalǵan otyrysqa qatysqan Qazaqstandaǵy birqatar sheteldik kompanııalar basshylary men ınvestorlardyń, sondaı-aq, ınvestısııany qajetsinetin qazaqstandyq iskerler lebizin jarııalaǵandy jón kórdik. Sýma ChAKRABARTI, Eýropa Qaıta qurý jáne damý bankiniń prezıdenti: – Otyrys barysynda Qazaqstan memleketiniń basshysy qol qoıǵan zań sheńberinde ınvestorlarǵa úlken jeńildikter jasalyp otyr. Bul sheshim bizdi qanattandyryp tastady. Osyǵan sáıkes Qazaq­stan ekonomıkasyna quıatyn ınves­tısııamyzdyń kólemin ulǵaıtý jóninde uıǵarym jasadyq. Jalpy, Eýropa Qaıta qurý jáne damý banki Qazaqstan ekonomıkasyndaǵy iri ınvestorlardyń biri bolyp tabylady. Sońǵy 20 jyldyń ishinde biz Qazaqstanǵa 6,85 mlrd. dollardyń qarjysyn ınvestısııaladyq. Al Prezıdent Nursultan Nazarbaev qol qoıǵan jańa zań meniń oıymsha, osy elge quıylatyn ınvestısııa kólemin áldeqaıda arttyrýǵa sebepshi bolyp, jańa ınvestorlardyń kelýine jol ashýǵa tıis. О́ıtkeni, zańda ınvestorlar úshin birqatar jaǵymdy jeńildikter jasalynǵan. Máselen, otyrys barysynda Memleket basshysynyń atap kórsetkenindeı, salyq jeńildikterimen qatar, ındýstrııalandyrýdyń jańa baǵdarlamasyn júzege asyrý úshin memlekettik bıýdjetten 5 jyl boıyna shamamen 600 mlrd. teńge bólinse, Ulttyq qordan taǵy 1 trln. teńge bólý týraly sheshim qabyldanypty. Osyǵan qosymsha Nursultan Nazarbaevtyń ózi Dúnıejúzilik bankpen, Eýropa Qaıta qurý jáne damý bankimen, Azııa damý bankimen, sondaı-aq, Islam bankimen negizdemelik kelisimge qol qoıylǵandyǵyn atap kórsetti. Demek biz el ekonomıkasyna ınvestısııa tartýdy yntalandyrý jóninde memleketpen senimdi áriptestik qatynas ornatyp otyrmyz. Bul áriptestik eki jaqqa birdeı tıimdilik beretindigine senim bildiremin. Devıd Oýen, «Delloite» kompanııasynyń basqarý máseleleri jónindegi atqarýshy dırektory: – Qazaqstan ekonomıkasy jyl saıyn 6 paıyzdyq ósimmen damyp keledi. Osy jaǵdaı shetel ınvestorlary úshin bul eldiń tartymdylyǵyn arttyrý ústinde. Jalpy, Qazaqstanda ınvestısııalyq ahýaldyń da jyldan-jylǵa jaqsara túskendigine kýá bolyp júrmiz. Osy baǵytta jańa sheshimder qabyl­danýda. Máselen, Memleket basshysy Nursultan Nazarbaevtyń pármenimen qabyldanǵan zań sonyń aıǵaǵy der edim. Otyrys barysynda Memleket basshysynyń ózi osy zańnyń jetistikterin túsindire kele basymdyǵy bar baǵyttardyń tartymdylyǵyn kóterý úshin Úkimet ázirlegen aýqymdy yntalandyrý paketi týraly da aıtty. Osy arqyly biz ındýstrııalandyrýdyń basymdyq berilip otyrǵan salalarynda ınvestorlardyń korporatıvtik tabys salyǵyn tóleýden jáne jer salyǵynan 10 jylǵa, múlik salyǵynan 8 jylǵa bosatylatyndyǵyn bildik. Árıne, bul ınvestorlar úshin úlken jeńildik. Pıter Tıls, «Doıche Bank» atqarýshy dırektory: – Germanııa bıznesmenderi Qazaq­standaǵy Údemeli ındýst­rııa­lyq-ınnovasııalyq damý baǵdar­lamasyna eleýli úles qosyp keledi. Máse­len, bizdiń el kompanııalarynyń 12 iri óndiristik joba sheńberinde Qazaqstanǵa salǵan tikeleı ınves­tısııalary 2 mlrd. dollardan asyp otyr. Endi bul kórsetkishti odan da arttyra túsetindigimiz anyq. О́ıtkeni, osy ótken otyrys barysynda biz Qazaq­stanǵa keletin ınvestısııalar kólemin arttyrý úshin ınvestorlarǵa qosymsha jeńildikter jasalatyndyǵyn bildik. Árıne, ol jeńildikterdiń arasynda korporatıvtik tabys salyǵyn, jer salyǵyn, múlik salyǵyn tóleýden bosatýdyń máni erekshe. Sonymen qatar, bizdi memlekettiń nysandy paıdalanýǵa bergennen keıin sheteldik ınvestorlarǵa kúrdeli shyǵystarynyń 30 paıyzyna deıin ótep beretindigi qýandyrdy. О́nerkásip salasyndaǵy ınvestorlar úshin bul jeńildiktiń de úlken máni bar. Sonymen qatar, bankterdi de yntalandyra túsetindigi aıqyn. О́ıtkeni, ónerkásipshiler bizdiń nesıelerimizdi molynan paıdalanyp qalýǵa umtylady. Osyndaı jaǵdaılardy eskere kelip, Germanııa kompanııalary aldaǵy 5 jylda taǵy da 60 jańa jobaǵa ınvestısııa salýǵa nıet tanytyp otyr. Iаǵnı, osy arqyly bizdiń ınvestısııalarymyzdyń kólemi 3,5 mlrd. dollarǵa deıin jetetin bolady. Biz búgin is barysynda Qazaqstandaǵy ındýstrııalandyrý baǵdarlamasyn júzege asyrýdyń josparlarymen tanystyq. Bul josparlar shyndyqqa sáıkes jáne órshil maqsattardy kózdeıdi. Sondyqtan, Qazaqstannyń alǵa qoıyp otyrǵan maqsattary men oǵan jetý úshin jasaǵan qadamdary bizdi qanattandyryp tastady. Biz Qazaqstanmen áriptestik qarym-qatynastardy odan ári nyǵaıtýǵa múddelilik tanytýdamyz. Matteo Rensı, Italııa Premer-mınıstri: – Italııa Qazaqstannyń saýda áriptesteriniń arasynda Qytaı men Reseıden keıin úshinshi orynǵa ıe bolyp otyr. Bul biz úshin maqtanyshty jaǵdaı. Sebebi, biz Qazaqstannan óte jyraqta jatsaq ta Eýrazııa qurlyǵynyń ortasynda qanatyn keńge jaıǵan osy elmen ekonomıkalyq qarym-qatynastar jasaýda eýropalyq memleketter arasynda birinshi orynǵa shyǵyp otyrmyz. Qazirgi kúni Qazaq­standa 300-den astam ıtalııalyq kompanııalardyń ókildikteri men birlesken kásiporyndary jumys isteýde. Bizdiń elderimizdiń arasynda ónerkásip jáne ekonomıkalyq yntymaqtastyq jóninde Úkimetara­lyq jumys toby qurylǵan. Qarym-qatynastarymyzdyń nyǵaıyp kele jatqandyǵyna qarap, onyń jumysy jemisti dep esepteımiz. Osy rette bizdiń Eni kompanııamyz ben «QazMunaıGaz» arasynda jasalǵan kelisimge erekshe mán berýdemiz. Osy kelisim boıynsha keme jóndeý zaýytynyń qurylysy júrgizilmek. Sondaı-aq, Isataı telimindegi geologııalyq barlaý jumystaryna Eni qatysatyn bolady. Meniń Italııa Premer-mınıstri qyzmetin atqarǵanyma 100 kún boldy. Sondyqtan Qazaqstanmen aradaǵy ekijaqty baılanystardyń damýyna óz tarapymnan úles qosqym keledi. О́ıtkeni, eki el arasyndaǵy yntymaqtastyq ýaqyt óte kele qazirgiden de nyǵaıa túsetindigine senimdimin. Biz, munaı salasy boıynsha óte mańyzdy qujattarǵa qol qoıdyq. Endi ónerkásip salasyndaǵy baılanystarymyzdy nyǵaıta túspekpiz. Sóıtip, bolashaqta basqa salalar boıynsha da áriptestik ornatyp, qos memleket arasyndaǵy yqpaldastyqty jandandyra beretin bolamyz. Iv-Lýı DaRrıkarRer, «Total» kompanııasynyń vıse-prezıdenti: – Qazaqstan Úkimetiniń eldegi ınves­tı­sııalyq ahýaldy jaqsartýǵa qatysty jasap jatqan barlyq sharalaryn qoldaıtyndyǵymdy bildiremin. Sebebi, biz Qazaqstanmen áriptestik qarym-qatynasta túskennen beri bul eldiń jaǵdaıy jyldan-jylǵa jaqsara túskendigine, qabyldanǵan sheshimderdiń ómirde naqty júzege asyp jatqandyǵyna kýá bolyp júrmiz. Onyń ústine qazaq-fransýz birlesken jobalary arta túsýde. Sonyń nátıjesinde Fransııa qazirgi kúni Qazaqstan ekonomıkasyndaǵy eń iri tórt ınvestordyń biri bolyp otyr. Búgingi kúni Qazaqstanda 150-den astam fransýz kompanııalary tabysty jumys isteýde. Olar el ekonomıkasynyń avıaǵarysh, munaı-gaz, kólik sekildi mańyzdy salalarynda eńbek etip keledi. 11 joba qazirdiń ózinde júzege asyrylyp úlgerdi. Olardyń qatarynda «Eırbas» kompanııasy úshin bólshekter shyǵarý, sondaı-aq lokomotıvter, elektronıkalyq zattar, sý tazartqysh quraldar jáne farmasevtıka men tamaq óndirisine qajetti quraldar jáne dári-dármekter bar. Biz aldaǵy ýaqytta da Qazaqstanmen jumys isteı berýge ázirmiz. О́ıtkeni, Qazaqstan ınvestorlarǵa tıisti jeńildikterdi qarastyrýmen qatar qosymsha qun salyǵy men aksızden basqa, barlyq salyqtar men tólemderdiń mólsherlemelerine qatysty zańnamanyń turaqtylyǵyna kepildik berip otyr. Onyń ústine Memleket basshysy ınvestorlar úshin memlekettik mekemelermen jumys kezinde «bir tereze» qaǵıdatynyń engiziletindiginen habardar etti. Budan bólek, ınvestorlardyń quqyqtary men múddelerin qorǵaýdy qamtamasyz etý úshin «ınvestısııalyq ombýdsmen» ınstıtýty zańnamalyq deńgeıde engiziletindigin aıtty. Osy jaǵdaılar bizderdi qanattandyryp otyr. Ázirlegen Suńǵat ÁLIPBAI, «Egemen Qazaqstan».

Elimizdiń bedelin kótere túsedi

Temirjan HAMITOV, Aqmola oblystyq kásipkerlik jáne ónerkásip basqarmasynyń basshysy. Elbasy N.Á.Nazarbaev kúni keshe ózimiz jumysyna qatysqan úlken forýmdy: «Shetel ınvestorlary keńesiniń 27-shi keńesi elimizdiń ǵajaıyp jeri, halqymyz «Qazaqstan Shveısarııasy» atap ketken Býrabaıda uıymdastyrylyp otyr», degen rýh kóterer sóılemdermen bastady. Bul astanalyq Aqmola oblysynyń turǵyndaryna aıryqsha jaýapkershilik júkteıtin sóz dep bilemiz. О́ńirdiń búgingi damýy jerlesterimizdiń erteńgi kúndi de ekpindi isterimen áspetteıtinine kúmán týǵyzbaıdy. Oblysymyzda óńdeý ónerkásibi damyp, eńbek ónimdiligi artýda. Munda bizben qoıan-qoltyq jumys istep júrgen sheteldik áriptesterimizdiń úlesi de bar. Memleket basshysy Qazaqstan ekonomıkasyna ınvestısııa salý Eýrazııalyq ekonomıkalyq odaqtyń ortaq naryǵynda jumys isteý úshin ońtaıly bolatyndyǵyn aıtý arqyly elimizdiń ınvestısııalyq saıasatynyń mánin anyq ashyp kórsetti. Elimiz ındýstrııalandyrýdyń birinshi besjyldyǵyn tabysty aıaqtady. Indýstrııalandyrý kartasy aıasynda 2,4 trıllıon teńgeniń 651 jobasy iske asyryldy. Ondaǵan myń jańa jumys oryndaryna ornalastyryldy. Bul Qazaqstannyń álemdegi ozyq 30 memlekettiń qataryna qosylýynyń sheshýshi kezeńi bolyp sanalatyn ındýstrııalandyrýdyń ekinshi kezeńine myqty daıyndyqpen kelip otyrǵanymyzdy dáleldeıdi. Býrabaıdaǵy keńeske bıznes áleminiń alpaýyttary jınalyp, óz oılaryn ashyq aıtyp, tolǵaqty pikirlerin talqyǵa saldy. Osynyń ózi Qazaqstannyń bedelin kóterýmen qatar, elimizdiń ustanyp otyrǵan baǵytyna tilektestik sezimin de qalyptastyrady. Ásirese, Eýropa qaıta qurý jáne damý bankiniń prezıdenti Sýma Chakrabartıdiń, «Qazaqstan-Fransııa», «Qazaqstan-Germanııa» Iskerler keńesteriniń tóraǵalary Iv-Lýı Darrıkarrer men Pıter Tılskeniń, Eýrazııalyq tabıǵı resýrstar korporasııasynyń aksıoneri Aleksandr Mashkevıchtiń, «Anadolý Grýpp» kompanııasynyń basqarma tóraǵasy Týndjaı Ozılhan­nyń, taǵy basqa tulǵalardyń sózderinen elimizdegi júıeli josparlardyń mindetti túrde júzege asatyndyǵy ańǵarylyp turdy. Aqmola oblysy.

Investor kóbeıse, suranys molaıa túsedi

Jańabaı ALShYNBEKOV, «Novýs Sılıng Kaspıan» JShS menedjeri. Tuńǵysh Prezıdentimiz Nursultan Nazarbaev otandyq ekonomıkaǵa shetel ınvestısııasyn tartýǵa udaıy kóńil bólip keledi. О́ıtkeni, búgingi dáýir ózimizben ózimiz bolyp, irgeni qymtap otyratyn emes, álemdegi eń ozyq tehnologııany elge neǵurlym kóbirek ákelip, ulttyq ekonomıkamyzǵa sheteldiń áleýetti kompanııalarynyń ınvestısııasyn molynan tartatyn kezeń. Muny Elbasy Býrabaıda ótken kezekti shetel ınvestorlarymen keńeste taǵy bir márte barshanyń esine saldy. Prezıdentimizdiń ekonomıkaǵa ınvestısııa quıýǵa nıetti shetel ınvestorlaryn shaqyrýyn óte oryndy dep sanaımyn. Elimizge shetel ınvestorlary ınvestısııa molynan quıyp jatsa, onyń shapaǵatyn aldymen bizdiń otandyq kompanııalar kóretindigine kózimiz jetip keledi. Sonyń bir mysaly retinde 2011 jyldan beri munaı-gaz ónerkásibi salasyndaǵy kásiporyndar tapsyrysymen sapaly ónim óndiretin «Novýs Sılıng Kaspıan» seriktestigin aıtýyma bolady. Bizdiń sehymyzdaǵy bilikti mamandarymyz jasaǵan ár deńgeıdegi nyǵyzdaǵysh prokladkalar Qazaqstandy aıtpaǵanda, TMD elderinde de shyǵarylǵan emes. Al bizdiń kásiporynǵa álemdik munaı alpaýyty qataryndaǵy «Shevronnan» arnaıy tapsyrys túsip, alǵashqy ónimimizdi osy kompanııanyń suraýymen Chıkagoǵa jiberdik. Budan ózge Ázerbaıjan, Túrikmenstan elderinen túsken tapsyrystardy da ýaqytynda ári sapaly oryndadyq. Qazir bizdiń sapaly ónimimizdi tutynatyn turaqty seriktesterimizdiń qatarynda otandyq Atyraý jáne Pavlodar oblystaryndaǵy munaı óńdeý zaýyttary, «Jaıyqmunaı» (Batys Qazaqstan oblysy) kásipornymen birge, «Teńizshevroıl», NCPOC, Adjıp QKO, PSN, úndis­tan­dyq «Getýeı» kompanııasynyń Aqtaýdaǵy fılıaly, «DenholmJoldas», «Kazstroıservıs», «Dıtsman», «Maıerskoıl» sekildi elimizdegi sheteldiktermen birlesken kásip­oryndar bar. Sonymen birge, kórshiles Reseıdegi Ast­ra­han munaı aıdaý stansasy men KTK-nyń Máskeýdegi fı­lıa­ly da bizdiń ónimge tapsyrysty kóbirek bere bastady. Osyndaı kompanııalar senim artqannan keıin bizde jumys jasaıtyn otandyq mamandar óz isine jaýapkershilikpen qaraıdy. Birneshe mamanymyz Ulybrıtanııadaǵy osyndaı zaýytta sheberligin shyńdaǵan arnaýly kýrsta oqyp keldi. Sebebi, ózge kásipterge qaraǵanda, prokladka jonýda óte dáldik te, sheberlik te qajet. Temirden túıin túıgen mamandarymyz ár tapsyrys berýshi kompanııanyń seniminen shyǵýdy paryz sanaıdy. Qazaqstandyq ónim retinde sheteldik kompanııalar qyzyǵýshylyǵyn týdyrǵan bizdiń prokladkalarymyzdyń sapalyq deńgeıi óte joǵary, Eýropa elderinde shyǵarylatyn osyndaı ónimderden esh kemdigi joq. Anyǵyn aıtqanda, jumys jasaı bas­ta­ǵanyna endi ǵana úsh jyl tolǵan kásipornymyzdyń aty tek Qazaqstanda ǵana emes, alys-jaqyn shetelderge de tanyla bastady deı alamyz. Endi Elbasy aıtqandaı, eli­mizge keletin sheteldik ınvestorlar qatary kóbeıip jat­sa, bizdiń sapaly ónimimizge suranys ta molaıa túser edi. Atyraý oblysy.

Eýroodaq naryǵyndaǵy básekelesterimizdi yǵystyryp, AQSh rynogyna shyqtyq

Muqash ESKENDIROV, «Qazfosfat» JShS bas dırektory, Jambyl oblystyq máslıhatynyń depýtaty. Jalpy alǵanda ınvestısııa tartý – bizdiń táýelsiz eldiń eko­nomı­ka­lyq saıasatynyń bir qyry. Memleket basshysy Nursultan Nazarbaevtyń tór­aǵalyǵymen Qazaqstan Prezı­dentiniń janyndaǵy Shetel ınvestorlary keńesiniń jalpy otyrysy bul saladaǵy qarqyndy ári qaraı qýattandyra túsetini anyq. Qazaqstannyń ınvestısııalyq tartymdylyǵyn arttyrý úshin qabyldanyp jatqan zańdar men túrli jeńildikter – elimizdiń beıbitshilikke umtylysyn, ty­nyshtyqty qalaıtynyn kórsetedi. Qazaqstanǵa kelgen ınvestorlar qarjysyn kóbeıte alatynyna senimdi. Oǵan berilip jatqan kepildik kóp. Kásipker tilimen aıtqanda, aqsha tynyshtyqty jaqsy kóredi. Ol aýyzbirshiligi, berekesi bar elge barǵysy keledi. Investısııamen birge jumys orny, túrli baǵdarlamalar, iri kásiporyn, damyǵan óndiris keledi. «Qazfosfat» JShS sońǵy bes jylda Eýroodaq naryǵyndaǵy óziniń básekelesterin tolyq yǵystyrdy deýge bolady. Básekege barynsha qabiletti ónim óndirý – bizdiń naryqtaǵy kókjıegimizdi keńeıte túsýde. Kompanııada ótken jyldyń qorytyndysynda 56,3 mıllıard teńgeniń ónimi óndirildi. Bıyl bul kórsetkishti 61,9 mıllıard teńgege jetkizý kózdelýde. Úzdiksiz izdenistiń nátıjesinde 2012 jyly AQSh-tyń naryǵyna shyǵyp, úlken kólemdegi sary fosfordy ótkerdik. Ústimizdegi jyldan bastap kompanııa tarıhynda alǵash ret Úndistanǵa fosfor jetkizýdi qolǵa aldyq. Keleshekte Japonııa jáne Latyn Amerıkasy naryqtaryn ıgerýdi kózdeýdemiz. Jambyl oblysy.

Naqty qoldaýǵa ıe boldyq

Alekseı MYQTYBAEV, «Zhanros Drilling» JShS bas dırektory. Bizdiń seriktestik Qazaqstan­nyń ońtústik óńirinde munaı óndirisimen aınalysatyn iri jekemenshik kompanııa bolyp sanalady. 1996 jyldan bastap úzdiksiz jumys istep keledi. О́z mindetterin adal oryndap, júktelgen jaýapkershilikti tolyq sezinip jumys isteıtin ujym dep aıtýǵa tolyq negiz bar. Sondyqtan bolsa kerek, 2011 jyly Eýropa  Qaıta qurý jáne damý banki bizdiń mekemege 25 mıllıon dollar kóleminde nesıe berdi. Ádilin aıtqanda, bul bank bizge deıin Qazaqstandaǵy birde-bir jeke kompanııaǵa mundaı kómek kórsetpegen. Eýropalyq qaıta qurý jáne damý banki bergen qarjyǵa biz joǵary tehnologııaly burǵylaý qurylǵysyn satyp aldyq. Kompanııa bank qoldaýynyń arqasynda jumys­shylardyń eńbek qaýipsizdigi men densaýlyǵyn, qorshaǵan ortany qorǵaýdyń halyqaralyq standarttaryn engizdi. Osyndaı jumystardyń nátıjesinde kompanııanyń qarjylyq aınalymy birden 2,5 esege ósti. Búginde munaı óndirisinde 12 burǵylaý jáne 15 uńǵymany kúrdeli jóndeý qurylǵysy jumys istep tur. Jańa jumys oryndaryn ashtyq. Sonyń ar­qasynda búginde bizdiń mekemede 1300 adam jumys istep jatyr. Bıznestiń áleýmettik jaýap­ker­shiligi boıynsha da «Zhanros Drilling» JShS talaı ıgi istiń bastaýynda júr. El úshin jasap jat­qan eńbegimiz eleýsiz qal­ma­dy. 2013 jyly Elbasynyń qo­­ly­nan «Paryz» syılyǵyn aldyq. Eýropa Qaıta qurý jáne damý banki Qyzylorda obly­synda birneshe jobany qar­jylandyrdy. Atap aı­tar bolsaq, tabıǵı gazben júre­tin 100 jańa avtobýs satyp alýǵa kómektesti. Jańa kólik­ter jolaýshylarǵa, ásirese, múmkindigi shekteýli adamdardyń qozǵalysyna óte yńǵaıly ekenin aıtqan lázim. Bul joba úshin bank 18,8 mıllıon dollar nesıe usynyp otyr. Sonymen qatar, Qyzylorda qalasynyń sý jáne káriz jú­ıe­lerin jańǵyrtý jobasy úshin «Qyzylorda sý júıesi» kásip­ornyna 10 mıllıon AQSh dollary kóleminde nesıe berý qarastyrylýda. Búginde qalada sý sapasy men ony únemdep paıda­laný baǵytynda jumystar at­­qarylyp jatyr. Budan bólek, atal­ǵan banktiń tikeleı kómegi­men jumys isteıtin «Taza tehno­lo­­gııa­lar qory» Qyzylorda qala­sy­­­nyń ortalyqtandyrylǵan jylý júıe­sin jańǵyrtýdy qol­­­­­daý maqsatynda «Qyzyl­­­orda­­­jylý­elektrortalyǵyna» 4,3 mıl­lard teńge nesıe berýdi kóz­dep otyr. Jańǵyrtýdan soń jylý stansasy men taratý jeli­leriniń tıimdiligi arta túspek. Burnaǵy kúni Býrabaıda Elbasy Nursultan Nazarbaevtyń qatysýymen shetel ınvestor­larynyń jıyny ótkeni belgili. Mine, sol jıynnyń aldynda Eýropa Qaıta qurý jáne damý bankiniń prezıdenti ser Sýma Chakrabartı Qyzylorda oblysyna arnaıy keldi. Sapar barysynda qonaq «Zhanros Drilling» JShS jumysymen tanysty. Sýma Chakrabartı Qazaqstan Úkimeti banktiń aımaqtarda jumys isteýine qoldaý kórsetip otyrǵanyn aıtty. Sonymen qatar, «Qyzylorda oblysyn Qazaqstandaǵy jobalarymyzdy júzege asyrýdaǵy strategııalyq seriktes retinde qarastyramyz»,– dedi. Muny bizdiń jumysymyzǵa berilgen úlken baǵa retinde qabyldadyq. QYZYLORDA.