Prezıdent Qasym-Jomart Toqaev Túrkııa Respýblıkasyna qosymsha gýmanıtarlyq kómek jiberý jóninde Úkimetke tapsyrma berdi, dep habarlaıdy Egemen.kz Aqordanyń baspasóz qyzmetine silteme jasap.
«Memleket basshysynyń tapsyrmasy boıynsha jer silkinisi bolǵan aýdandardaǵy zardap shekkenderge kómek kórsetý úshin shatyrlar, jylytqyshtar, jyly kıimder jáne basqa da eń qajetti zattar jiberiledi», delingen habarlamada.
Eske sala keteıik, buǵan deıin Memleket basshysynyń tapsyrmasyna sáıkes Túrkııa Respýblıkasyna gýmanıtarlyq kómek retinde 1 mln dollar bólingen edi.