Elordada shaǵyn fýtboldan Astana qalasynyń áýesqoı komandalary arasynda kezekti týrnır aıaqtaldy, dep habarlaıdy Egemen.kz.
2022 jyldyń jeltoqsanynan 2023 jyldyń naýryzyna deıin Astana qalasynyń áýesqoı komandalary arasynda AFL (Astana Futbol Ligasy) is-sharalar kúntizbesi aıasynda parkette shaǵyn fýtboldan birinshi lıga týrnıri ótti.
Bul birinshilikke 70-ten astam komanda qatysty. Ulttyq ulannyń «Ulandyqtar» qurama komandasy 1-shi lıgada birinshi jalpy komandalyq oryndy ıelendi jáne jarys reglamenti boıynsha avtomatty túrde kelesi maýsymda óner kórsetetin AFL joǵary lıgasyna kóterildi.
Bul jarystyń maqsaty - shaǵyn fýtboldy damytý jáne nasıhattaý, jastar arasynda salaýatty ómir saltyn qalyptastyrý, sporttyq jarystarǵa tartý, birlik pen múddeler ortasyn qurý boldy.
Lıgadaǵy úzdik ataq úshin 12 komanda kúresti. Nátıjesinde «Ulandyqtar» komandasy 35 upaı jınap, qarsylastarynyń qaqpasyna 62 gol soqty.
– «Ulandyqtar» komandasyn qysqy lıgadaǵy jeńisimen jáne olardyń AFL joǵary lıgasyna ótýimen quttyqtaımyn. 16 oıyn barysynda ulandyqtar alańda ózderin laıyqty kórsetti. Olarǵa alańda jáne ómirde sáttilik pen bolashaqta kóp jeńis tileımin, - dep quttyqtady AFL týrnıriniń bas tóreshisi Sergeı Popov.
Fınalda oınaǵan komandalarǵa Kýboktar, dıplomdar jáne estelik medaldar berildi. Jalpy birinshilik joǵary deńgeıde ótti, fýtbolshylar ádemi oıyn kórsetip, komandada qyzý oıyn uıymdastyra bildi.