Oblystyq tótenshe jaǵdaılar departamenti oqıǵa kezinde zardap shekkender joq ekenin málimdedi, dep habarlaıdy Egemen.kz Pavlodarnews.kz-ke silteme jasap.
8 naýryz kúngi saǵat 8:00-degi jaǵdaı boıynsha, jyldamdyǵy 27 m/s deıingi ekpindi jeldiń saldarynan (Qazgıdromet derekteri boıynsha) 2 eldi mekendegi ǵımarattyń shatyry ushyp ketken.
Saǵat 4:15-te Baıanaýyl aýdany Jańatilek aýylyndaǵy mekteptiń shatyryn jel ushyryp ketken.
Saǵat 6:30-da Pavlodar qalasy Kataev kóshesi 18 mekenjaıyndaǵy 4 qabatty ákimshilik ǵımarattyń 1440 sharshy metr kóleminde shatyry qulaǵan.
«Bunda shatyrdyń sońǵy jóndeý jumystary 1980 jyly júrgizilgen. 2022 jylǵy jóndeý jumysy aıaqtalmaǵan», dedi departamenttegiler.
Sonymen qatar qatty jel saldarynan 2 aýdanda elektr qýaty ajyratylyp qaldy.
Maı aýdanynda 5 eldi mekende (Baskól, Kentýbek, Maıtúbek, Aqjar jáne ishinara Kóktóbe aýyldary) jaryq óshti. Abonentter sany naqtylanýda. Apatty joıýǵa aýdandyq elektr stansııasynyń qyzmetkerleri (12 adam, 3 birlik tehnıka) jumyldyryldy.
Aqqýly aýdanynda 16 eldi mekende (Besqaraǵaı, Jambyl, Jańatan, Aıteı, Sharbaqty, Tosaǵash, Jabaǵyly, Qazy, Malybaı, Qazantaı, Maıqaraǵaı Merǵalym, shaq, Shoqtal; ishinara Aqqýly jáne Iаmyshevo aýyldarynda.) jaryq óshti. Abonentter sany naqtylanýda. Apatty joıýǵa LRES (10 adam, 2 birliktehnıka) jumyldyryldy.