Ǵylym jáne joǵary bilim mınıstrligi Ashyq NQA portalynda saralanǵan bilim granttaryn berý qaǵıdalarynyń jobasyn qoǵam talqysy úshin jarııalady. Jobada bazalyq, «Daryn» jáne «Qamqor» granttarynyń jalpy bilim berý tapsyrysyndaǵy úlesi aıqyndalǵan, dep habarlaıdy Egemen.kz.
Qujatqa sáıkes, atalǵan grant túrleri kelesi úlesterge ıe bolady:
Bazalyq granttar – memlekettik bilim berý tapsyrysy kóleminiń keminde 50 paıyzy. «Daryn» granttary (halyqaralyq olımpıadalar, oryndaýshylardyń halyqaralyq konkýrstary, sporttyq jarystardaǵy jetistikter eskeriledi) – memlekettik bilim berý tapsyrysy kóleminiń 10 paıyzynan astam emes. «Qamqor» granttary (áleýmettik mártebe men ǵylymı (shyǵarmashylyq) jetistikter eskeriledi) – memlekettik bilim berý tapsyrysy kóleminiń keminde 30 paıyzy.Aıta keteıik, buǵan deıin ǵylym jáne joǵary bilim mınıstri Saıasat Nurbek atalǵan grant túrleriniń somasy qansha bolatynyn aıtqan edi. Oǵan sáıkes, bazalyq grant somasy memlekettik grant somasyna teń (100%) bolsa, «Daryn» grantynyń somasy memlekettik granttyń 120 paıyzyna, al «Qamqor» granty 30-50 paıyzyna teń bolýy tıis.
Qujat jobasy 21 sáýirge deıin jarııa talqyǵa usynylǵan.