Seısenbige qaraǵan túni Shıvelých janartaýy 15 shaqyrymdaı jerge kúl atqylady, dep habarlaıdy Egemen.kz Sınhýa aqparat agenttigine silteme jasap.
RǴA QShB výlkanologııa jáne seısmologııa ınstıtýtynyń dırektory Alekseı Ozerovtyń aıtýynsha, Shıvelýchqa eń jaqyn ornalasqan eldi meken - Klıýchı kentinde mundaı kólemde kúldiń túsýi sońǵy ret 1964 jyly tirkelgen. Qazir onyń qalyńdyǵy shamamen 8,5 sm jetken.
Kúl Shıvelýchtan soltústik-batysqa qaraı 500 shaqyrymǵa sozylyp, ary qaraı taralyp jatyr. Qazir Klıýchı men Kozyrevsk aýyldaryn kúl basty. Mılkovskıı, Tıgıl, Elızovskıı, Bystrın aýdandarynda jáne Petropavl-Kamchatskide de týra sol qubylys qaıtalanýy múmkin.
Aýa-raıynyń qolaısyzdyǵyna baılanysty janartaýdy beınebaqylaý qıyn bolyp tur.
Shıvelých - Kamchatkadaǵy eń úlken janartaýlardyń biri. Janartaýdyń bıiktigi - 3 283 metr. Ol úsh negizgi qurylymdy qamtıdy: Eski Shıvelých janartaýy, ejelgi kaldera jáne belsendi Jas Shıvelých janartaýy.