On sport túrinen Ulttyq mektep lıgasy ótip jatyr. Bıyl lıga oıyndary basketbol, fýtzal, voleıbol, gandbol, fýtbol, ústel tennısi, shahmat, toǵyzqumalaq, bes asyq, asyq atý, jeńilatletıkalyq kross sport túrlerin qamtydy.
Oqý-aǵartý mınıstrligi Ulttyq ǵylymı-praktıkalyq dene tárbıesi ortalyǵynyń habarlaýynsha, aınaldyq oıyndar Astana qalasy, Almaty jáne Pavlodar oblystarynda 5-6, 7-8, 9-11 synyptar boıynsha 31 naýryz ben 6 maýsym aralyǵynda toptastyrylyp ótkiziledi.
– Lıganyń alǵashqy jarystary elordada 9-11 synyp oqýshylary arasynda bastaldy. Jarystar 8 mamyrǵa deıin jalǵasady. 7-8 synyptar arasyndaǵy Pavlodar qalasynda ótetin jarystar 18 sáýir – 8 mamyrǵa josparlanǵan. Al 5-6 synyp oqýshylary 15 mamyr – 6 maýsym aralyǵynda Almaty oblysynda myqtylardy anyqtaıdy, – dedi ortalyq dırektory Saǵdat Sadyqov.
Ulttyq mektep lıgasy aıasynda 30 jarys boıynsha respýblıkalyq kezeńge bes myń oqýshy joldama jeńip alǵan. Mektep lıgasynyń irikteý jarystary respýblıkanyń barlyq aımaǵynda oqý jylynyń basynan sáýir aıyna deıin ótti. 2022-2023 oqý jylynda mektepishilik, aýdandyq, qalalyq/oblystyq kezeńderge eki mıllıonnan astam oqýshy qatysqan.
Keshe Astana qalasynyń «Jastar saraıynda» Ulttyq mektep lıgasynyń saltanatty ashylý rásimi ótti.