Ulytaý oblysy kóp nárseni jańadan bastap jatyr. Sonyń biri – fýtbol sportyn jolǵa qoıyp, damytý. Byltyr oblys ákimdigi men Qazaqstan fýtbol federasııasy qaýymdastyǵynyń arasynda memorandým jasalyp, oblystyq fýtbol qaýymdastyǵyn qurý, kásibı fýtbol klýby men balalar-jasóspirimder akademııasyn ashý kózdelgen edi.
О́ńirde qurylǵan fýtbol qaýymdastyǵynyń tóraǵasy bolyp «Qazaqmys Barlaý» JShS bas dırektory Ǵalym Nurjanov saılandy. «Ulytaý» fýtbol komandasy jasaqtaldy. Komandanyń bas dırektory – buryn fýtboldan elimizdiń qurama komandasyna basshylyq jasaǵan Talǵat Baısýfınov.
Kezindegi Jezqazǵan oblysynyń «Eńbek» komandasynyń izbasary ispetti «Ulytaý» komandasy bıyl alǵash ret jasyl alańǵa shyǵady.
Jezqazǵandaǵy Ortalyq stadıonda Taldyqorǵanda jalaýyn kóteretin el chempıonatynyń 2-lıga komandalary arasyndaǵy oıynǵa komandany attandyrý saltanaty boldy. Saltanatqa oblys ákimi Berik Ábdiǵalıuly qatysty. Ol fýtbolshylarǵa sáttilik, jeńis tiledi. Komandanyń kapıtany D.Slambekov jankúıerler úmitin aqtaýǵa kúsh-jigerlerin jumsaıtyndaryna sendirdi.
Abdolla DASTANOV,
jýrnalıst
Jezqazǵan