Qazaqtyń aralas jekpe-jek sheberi Jalǵas Jumaǵulov 6 mamyrda AQSh-tyń Nıý-Djersı shtatyndaǵy Nıýark qalasynda ótetin UFC 288 týrnırinde Natan Manespen kúsh synasýǵa tıis edi.
Osy aptanyń basynda amerıkalyq sportshynyń jaraqat alǵany belgili boldy. Sodan UFC-diń basshylary ony dereý Rafael Estevammen almastyrdy. 26 jastaǵy Brazılııanyń faıteri osy sport túrimen 2015 jyldan beri shuǵyldanady. Sol aralyqta 11 kezdesý ótkizip, barlyǵynda jeńiske jetti. Sol básekelerdiń jeteýinde aıqyn basymdyq tanytty. Bul – Estevamnyń álemdegi eń beldi promoýshenindegi tusaýkeser kezdesýi.
Al Jalǵastyń júrip ótken joly qazaq jankúıerleriniń kóz aldynda. 34 jastaǵy qandasymyz oktagonǵa 22 ret shyǵyp, 14 ret jeńiske jetti, segiz qarsylasyn esinen tandyrdy.