Qadyr aqyndy qasterledi

Is-sharada sóz alǵan oblystyq máde­nıet, tilderdi damytý jáne arhıv isi bas­qarmasynyń basshysy Saıran Dúı­senov Rafhat Eljasulyna sáttilik tilep, alǵys hat tabystady. О́z kezeginde Qazaqstannyń eń­bek sińirgen qaıratkeri, ánshi-kom­­pozıtor Donedil Qajymov izgi nıet-tilegin aqtaryp, Qadyr Myrza Áli­niń sózine jazylǵan «Qazaqtardy shet­eldik qonaqtarǵa tanystyrý» ánin shyrqady.

О́lketanýshy Sara Tanabaeva fo­tosýretshiniń shyǵarma­shylyǵyna az-kem toqtalyp ótse, Talǵat Myqı, Aı­nabek Bısenǵalıev, Ánýar Aman­jolov sekildi aqyndar Qadyr Myrza Áliniń óleńderin jatqa oqydy.

Rafhat Halelov óz shyǵarmashylyǵy týraly aıta kelip, fotosýrettiń ótken kúnniń belgisi, tarıhı sátterdiń dáleli ekenin jetkizdi. Oǵan qosa Qadyr aqyn jóninde biraz estelik aıtty.

– Qadyrdy súıip oqıtyn, erekshe qur­met tutatyn oqyrmandar je­terlik. Solar qadaý tulǵanyń ózimen kezdeskendeı kúı keshse eken degen maq­satpen osy kórmeni uıymdastyrýǵa bel býyp edik. Altyn ýaqyttaryńyzdy bólip, Qadyr saraıynyń tórinen tabyl­ǵan­daryńyzǵa myń alǵys. Bul – meniń Aqjaıyq óńiriniń aıaýly perzentiniń shyǵarmashylyǵyn nasıhattaýǵa qosqan úlesim, – dedi Rafhat Eljasuly.

Qadyr aqynnyń sózine jazylǵan «Oral – ánim sensiń shalqyǵan», «Ata­meken» ánderin «Injý», «BatysStar» toptary oryndap, kórermenniń ystyq yqylasyna bólendi.

– Sapaly sýret túsirý úshin qaǵy­lezdik, shapshańdyq qajet. Bul qasıet­ter Rafhat Eljasulynyń boıynda bar. Qadyrdaı alyp tulǵaǵa osylaısha qurmet kórsetken talantty foto­sýretshige rızashylyǵymdy bildiremin, – degen Qadyr Myrza Áli atyndaǵy mádenıet jáne óner ortalyǵynyń dırektory Baýyrjan Halıolla is-sharany qorytyndylap, Rafhat Eljasulyna alǵys hat jáne estelik syılyq usyndy. Sonymen qatar fotokórmeniń qadirli meımany, eńbek ardageri Marat Ken­jetaıulyna aıtys aqyndary men jyr­shy-termeshilerdiń halyqaralyq odaǵy Batys Qazaqstan aımaǵy boıyn­sha bólimshesiniń usynysymen da­ıyndalǵan dala reformatory, dańq­ty batyr Syrym Datuly atyndaǵy tósbelgini tabys etti.

Marlen ǴILYMHAN