Senim uıalatqan Semeı sapary

Úkimet basshysy  Semeı qala­syn­­daǵy «Ǵabbasov» qazan­dyǵy­nyń aldaǵy jylytý maýsy­myna daıyn­dyǵy, sony­men qatar basqa da sheshimin tabý­ǵa tıisti máse­leler barysy­men keńinen tanys­ty. Odan ózge Qytaı – Qazaq­stan – Reseı mem­leketterin baılanys­tyratyn magıstraldyq ótkel sanalatyn Ertis ózeni ústimen ótetin aspaly kópirdiń búgingi ahýalyna nazar aýdardy.

Jylýdyń jaıy «jyr» bolmaýǵa tıis

Tarqatyp aıtar bolsaq, Semeı­diń ortalyǵyndaǵy «Ǵab­basov» qazandyǵy – jylytý maý­symynda 66 kóp­qa­bat­ty jáne 138 jeke tur­ǵyn úıdi, 39 bıýdjettik meke­meni, 10 áleý­mettik jáne 140 kom­mer­sııalyq nysannyń qysqy synaq­tan syr bermeı shyǵýyna jaýap­ty nysan. Qazir munda qaıta jóndeý jumystary júrip jatyr, ony jańa jylytý kezeńi bas­talǵanǵa deıin aıaqtaý jos­par­lanǵan. Oblys mártebesi beril­g­en qalanyń basty máselesi sana­­latyn jylýǵa qatysty «jyr» bolǵan jaıdyń aldaǵy ýaqytt­a qalaı sheshimin tabatynyn Álıhan Ashanuly óz sózinde de atap ótti.

«Halyq sany artyp, jańa nysandar men turǵyn úı­ler salynǵan saıyn jylytý kózderine túsetin júk­teme jyldan-jylǵa arta túsedi. Bıyl «Ǵabbasov» jáne «Ortalyq» qazan­dyqtaryn qalpyna kel­tirýge bıýdjetten 1 mlrd teńge, jylý jelileri­ne 3,5 mlrd teńge bólindi. Ákimdik kelesi jylytý maýsymy bastalǵanǵa deıin barlyq jumystyń sapaly júrgizilýin qamtamasyz etýi kerek»,  dedi  Premer-mınıstr.

Úkimet basshysy sonymen birge oblys ortalyǵyn jylýmen qamtý jaıy Abaı oblysyn damytý baǵdarlamasynda da eskerilgendigin atap ótti. Iаǵnı óńirdi damytýdyń keshendi josparyna jylý kózderin rekonstrýksııalaý boıynsha 11 joba engizilgeni jergilikti tur­ǵyndar úshin mańyzdy jańal­yq deýge bolady. Atap aıt­qanda, «Ǵabbasov» jáne «Or­talyq» qazandyq­taryn re­kons­trýksııalaý jylý rejimin halyqqa kórsetiletin qyzmetterdiń sapa­­sy men senim­diligin, qala­nyń ekolo­gııalyq ahýalyn jaq­sartýǵa jáne jylý shyǵy­nyn azaıtýǵa múmkindik beredi.

Al Semeı qalasynyń ǵana emes, halyqaralyq qatynastyń baılanys kózine aınalǵan Ertis ózenindegi aspaly kópir bul kúnde kóptegen jóndeýdi qajet etedi. Uzyndyǵy 1086 metr, eni 35 metr mańyzdy nysan­nyń paıdalanýǵa berilgenine de 23 jyldyń júzi bolǵan. Qazirgi ýaqytta aspaly kópirdi keńeıtilgen aýqymdaǵy keshendi rekonstrýksııalaý boıynsha jobalyq-smetalyq qujattardy ázirleý josparlanyp otyr.

Úkimet basshysy Semeı qala­synyń aldymen stra­te­gııa­lyq kólik baǵyttarynyń tora­­bynda ornalasqandyǵyn, sondyqtan jol sapasyn arttyrý qalanyń jáne búkil óńirdiń damýy úshin mańyzdy ekendigine toqtaldy. Sol sebepten de respýblıkalyq bıýdjetten 7 mlrd teńgeden astam qarjy bólý kózdelip otyr.

«Ákimdik josparlanǵan barlyq jobanyń ýaqytyly oryndalýyn qamtamasyz etýi kerek. Jalpy, Úkimet Abaı óńirin damytý boıynsha bes jyldyq keshendi jospar bekitkeni belgili. Osy jospardyń aıasyn­da óńirdiń odan qarqyndy da­mýy­na serpin beretin tur­ǵyn úı-kommýnaldyq, áleý­met­tik jáne energetıkalyq ınfra­qury­lymdy jańǵyrtý jáne salý boıynsha is-sharalar qaras­tyrylǵan», dedi Á.Smaıylov nysandardy aralaý barysynda.

Semeı – el mádenıetiniń qaınary

Úkimet basshysynyń Abaı mýzeıine arnaıy baryp, «Uly aqyn Abaı uldarymen» eskert­kishine gúl shoqtaryn qoıyp, jergilikti zııaly qaýym ókilderimen de kezdeskeni jurt nazaryn aýdarǵan oqıǵanyń biri boldy. Kezdesý kezinde Á.Smaıylov bıyl oblys úshin ǵana emes, jalpy qazaq halqy úshin rýhanı taǵylymy zor mura qaldyrǵan, aqyn-fılosof Shákárim Qudaıberdiuly­nyń týǵanyna 165 jyl tolýyn joǵary deńgeıde atap ótý ja­ıyn tilge tıek etti. 

Búgingi kúnde Abaı oblysy aýmaǵynda 300-ge jýyq mádenıet jáne óner oshaǵynda 2 myńnan astam adam qyzmet atqarady.

«Úkimet mádenıetti damytý­ǵa úles qosyp júrgen qyz­met­kerlerdiń áleýmettik jaǵ­daıyn jaqsartý jóninde shara­lar qabyldap keledi. О́tken jyldan bastap respýblıkada mádenıet qyzmetkerleriniń jalaqysyn kezeń-kezeńimen kóterý bastaldy. 2025 jylǵa qaraı jalaqy eki esege artýǵa tıis», dedi Premer-mınıstr.

Álıhan Ashanulynyń zııaly qaýym ókilderimen kezdesýinen soń Abaı mýzeıiniń dırektory Turdyqul Shańbaı oıyn bylaısha ortaǵa saldy:

– Úkimet basshysy Álıhan Ashanulyna kezdesý barysynda Abaı mýzeıi Semeı qalasynyń júregi ǵana emes, Eýrazııa keńistiginde balamasy joq  mádenı nysan ekenin aıtyp berdim. Bes tarapty – Abaı, Shákárim, Muhtardy, Abaıdyń aqyn shákirtterin, Alash alyptaryn Abaı mýzeıi top­tasty­ranyn túsindirdim. Álıhan Ashan­uly mýzeı ishin aralaı júrip, árbir jádigerge qatys­ty derekterdi tyńdaýǵa erekshe ynta qoıdy. Al zııaly qaýym­men kezdesý barysynda ǵy­lym, bilim, mádenıet salasyn­da bolatyn oń ózgerister týraly jaqsy jańalyqtarynan habar­dar etti. Qaladaǵy úsh ýnı­versıtetti halyqaralyq deńgeıge jetkizýge de naqty qadam jasalatynyn aıtyp, bizdi qýanyshqa keneltti, –  dedi Abaı mýzeıiniń basshysy Turdyqul Shańbaı.

Medısına salasynyń mańyzy aıryqsha

Premer-mınıstr jumys sapary aıasynda Abaı oblysynyń turǵyndary, ásirese ıadrolyq synaq polıgony aımaǵynda taǵdyry taspalanǵan jandarǵa onkologııalyq kómek kórsetetin Iаdrolyq medısına jáne onkologııa ortalyǵynyń qyzmetine de basa mán berdi. 1656 naýqasqa negizdelgen bul ortalyqta sáý­lelik, klınıkalyq jáne radıo­nýklıdtik dıagnostıka bólim­sheleri, endoskopııa bó­limshesi jáne taǵy da basqa zertteý-saraptaý nysandarynyń mamandary jumys isteıdi.

«Elimizdegi jalǵyz radıo­nýklıdti terapııa bólim osy ortalyqta ornalasqan. Aýrý­lardy dıagnostıkalaýdyń materıaldyq-tehnıkalyq bazasy jaqsardy. Onyń ishinde qaterli isik aýrýyn erte anyqtaý men jedel hırýrgııalyq emdeý de bar. Ortalyqqa joǵary bilikti qyzmet kórsetetin zamanaýı hırýrgııalyq korpýs qajet. Densaýlyq saqtaý mı­nıstrligi osy máseleni py­syqtaýǵa tıis», dedi Álıhan Smaıylov atalǵan nysanǵa at basyn burǵan kezdesýinde.

Úkimet basshysynyń aı­týynsha, Abaı oblysyn damytý­dyń keshendi josparynda 400 oryndyq kópbeıindi aýrý­hana, 300 oryndyq balalar aýrý­hanasy, oblystyq qan ortalyǵy men Semeı qalasynda eki emhana, sondaı-aq óńirdiń aýyldyq jerlerinde 65 jańa al­ǵashqy medısınalyq-sanı­tar­lyq kómek kórsetý nysa­nyn salý josparǵa engen. Budan keıin Úkimet basshysy «Qara­ǵaıly» aýdanyndaǵy bıýdjet esebinen salynyp, jyl basynda paıdalanýǵa berilgen 150 oryndyq múgedekterge arnal­ǵan oblystyq jańa reabılıtasııa jáne ońaltý ortalyǵynda boldy. Bul nysanda birneshe júzý bas­seıni, zamanaýı sport zaly, emdik vanna, eńbek tera­pııa ka­bı­net­teri, arnaıy maman­dan­dy­­rylǵan synyptar, kitaphana, dema­­lys bólmeleri sııaqty em alý­shy­larǵa qajetti jaǵdaılar jasalǵan.

Álıhan Smaıylov Memleket basshysy Q.Toqaevtyń tapsyrmasynda kórsetilgenindeı, 2025 jylǵa qaraı elimizdiń 12 oblysynda árqaısysy 150 oryndyq jańa ońaltý ortalyqtaryn salý josparlanǵanyn atap ótti.

Abaı oblysyna sapary barysynda Premer-mı­nıstr Shúlbi GES-niń jumy­syn tekserip, óńirdegi birqatar iri óndiristik kásiporyn­dardyń qyzmetimen de tanysty.

Abaı oblysy