Túrkistan oblysynyń polıseıleri esirtki quraldarynyń aınalymyn toqtatý jóninde jedel-profılaktıkalyq is-sharalar keshenin ótkizip jatyr. Atalǵan is-shara barysynda tramadoldy zańsyz saqtaýǵa jáne halyq arasynda ótkizýge qarsy is-qımyl boıynsha reıd ótkizildi, dep habarlaıdy Egemen.kz.
Túrkistan oblysy PD esirtki qylmysyna qarsy is-qımyl basqarmasynyń qyzmetkerleri Keles aýdandyq polısııa bólimimen birlesip, joldardyń birinde VAZ-2107 avtokóligin toqtatty.
Kólikte otyrǵan jolaýshyny tekserý kezinde 200-den astam tramadol tabletkasyn tabylyp, tárkilendi. Tıisti saraptama taǵaıyndaldy. Jedel ýákilder oqıǵanyń mán-jaıyn anyqtap jatyr.
Aıta ketsek, tek eki táýlik ishinde Saryaǵash jáne Keles aýdandarynda tramadol preparatyn zańsyz saqtaý men satýdyń 7 deregi anyqtaldy.
Polıseıler zańsyz aınalymnan 350-ge jýyq psıhotroptyq tabletka tárkiledi.
Atalǵan faktiler QR QK-niń 296-baby (Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý) men QR QK-niń 297-baby (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) boıynsha tirkelip, tergeý amaldary bastaldy.