Kesapat kelse keneden...

Jetisý oblysynyń Aqsý, Ala­kól, Eskeldi, Kerbulaq, Sar­qan aýdan­dary men Taldy­qorǵan, Tekeli qalalary kene en­sefalıtinen endemııalyq aı­maqtarǵa jatady. Qazir mamandar atalǵan vırýspen kúresýdiń amaldaryn jasaýda.

«Syrqattanýshylyqtyń maý­symdylyq kezeńi naýryz-qa­zan aılary aralyǵyna keledi. Aýrýdyń aldyn alý maqsatynda sáýir aıy­nan bastap kenelerge qarsy óń­deý jumystary júr­giziledi. Je­tisý oblysynda bıyl 230 gektar jer kenege qarsy óń­deledi. Bul jumystar Aqsý, Alakól, Es­kel­di, Kerbulaq, Sar­qan aýdandary men Taldyqorǵan, Tekeli qala­laryn qamtıdy», deıdi óńirlik sa­nıtarlyq-epıde­mıo­logııalyq ba­qylaý departa­mentiniń basshysy Erǵalı Sy­dymanov.

Onyń aıtýynsha, ulttyq saraptama ortalyǵymen óńdeýge arnalǵan 230 lıtr «Favorıt» dárisi jetkizilip, barlyq aýdan, qalaǵa taratylǵan. О́ńdeý ju­mystary Alakól, Eskeldi aýdandarynda bastalǵan.

Kene ensefalıtiniń epıdemıo­logııalyq maýsymdylyq kezeńiniń bastalýyna baılanysty aptalyq monıtorıng engizilip, soǵan saı jumystar júrgizilýde. 1-shi ap­talyq monıtorıngke sáıkes oblys boıynsha kene shaǵýmen me­dısınalyq kómekke 35 adam jú­gingen. Onyń ishinde 14 jas­qa deıingi balalar 46 paıyzdy qu­rap otyr. Byltyrǵy jyl­men sa­lys­tyrǵanda, kene shaǵýmen me­dı­sınalyq kómekke júgingen adam sany 9 jaǵdaıǵa joǵarylaǵan.

«13-14 sáýir kúni Taldyqorǵan qalasynyń Ardagerler parkinde dezınseksııalyq preparattyn qoldaný arqyly júrgiziledi. Qaı­ta óndeý jumystary mamyr aıynda ótkiziledi. Bıyl naýryz aıynda basqarma mamandarymen 200 dana kene jınalyp, ulttyq saraptama ortalyǵynyń asa qaýipti zerthanasyna jiberildi. Kenelerdi kongo-qyrym bezgekke, kene ensefalıtine jáne týlıaremııaǵa syrqattanýshylyǵyna zertteý júrgizetin bolady», deıdi Tal­dyqorǵan qalalyq sanıtarlyq-epıdemıologııalyq baqylaý bas­qa­rmasynyń basshysy Sáken Meldebaev.

Mamandar turǵyndar arasynda kene ensefalıtimen syr­qat­tanýshylyqtyń aldyn alý maq­satynda tabıǵatqa shyǵý, saıa­baqtarda serýendeý jáne aýmaqty jınaý kezinde saqtyq sharalaryn ustanýǵa shaqyrady.

Jetisý oblysy