Qazaqstandyqtar eGov.kz pen eGov Mobile arqyly sanatorıı-kýrorttyq emdeý qajettiligi týraly qorytyndy jáne aldyn ala mindetti medısınalyq tekserýden ótý úshin anyqtama alýǵa ótinim bere alady, dep habarlaıdy Egemen.kz «Ulttyq aqparattyq tehnologııalar» AQ Qoǵammen baılanys basqarmasyna silteme jasap.
О́tinish bergen kezde jiberilgen dıagnozǵa sáıkes klınıkalyq-dıagnostıkalyq zertteýler nátıjeleriniń elektrondy kóshimesi bolýy qajet.
Qyzmet kórsetý nátıjesinde elektrondy qujatty 069/ý nysany boıynsha berilgen sanatorıı-kýrorttyq karta nemese elektrondy qujat nysanynda «Jeke kabınetke» jiberilgen memlekettik qyzmet kórsetýden bas tartý týraly dáleldi jaýap alýǵa bolady.
Sanatorıı-kýrorttyq emdeý mamandandyrylǵan mekemelerde kórsetiletin jáne mıneraldy sýlar, emdik balshyq, termaldy bulaqtar jáne t.b. sııaqty sanatorıı-kýrorttyq aımaqtyń tabıǵı faktorlaryna negizdelgen keshendi emdeý-profılaktıkalyq kómekti qamtıdy.
«Aldyn ala mindetti medısınalyq qarap-tekserýden ótý» memlekettik qyzmetin myna toptar qoldana alady:
- dárihanalardyń, farmasevtıkalyq uıymdardyń qyzmetkerleri;
- qyzmet kórsetý salasynyń qyzmetkerleri (monshalar, saýnalar, shashtarazdar, sulýlyq salondary, kir jýatyn oryndar, hımııalyq tazalaýshylar), basseınder men gıdropatııalar, balshyq vannalar, sporttyq-saýyqtyrý uıymdarynyń jumysshylary;
- qan qyzmeti uıymdarynyń medısına qyzmetkerleri, hırýrgııalyq, gınekologııalyq, akýsherlik, gematologııalyq, stomatologııalyq profılderdiń qyzmetkerleri jáne medısına qyzmetkerleri;
- mektepke deıingi uıymdardyń, mektep-ınternattardyń, balalar sanatorııalyq-kýrorttyq jyl boıǵy saýyqtyrý uıymdarynyń, balalar úıleriniń qyzmetkerleri, otbasy úlgisindegi úılerdiń qyzmetkerleri;
- jolaýshylarǵa qyzmet kórsetý uıymdarynyń qyzmetkerleri (temir jol vokzaldary, aerovokzaldar, áýejaılar, teńiz jáne ózen stansııalary, avtovokzaldar, metropolıtender);
- qoǵamdyq tamaqtandyrý obektileriniń qyzmetkerleri;
- jalpy bilim beretin mektepterge, orta arnaýly jáne joǵary oqý oryndaryna oqýǵa túsýge úmitkerler stýdentterge jáne t.b.
Qyzmet kórsetý nátıjesinde №075-ý nysanynda berilgen medısınalyq anyqtama (dárigerdiń konsýltatıvtik qorytyndysy) ne memlekettik qyzmetti kórsetýden bas tartý týraly dáledi jaýap nysanynda elektrondy qujat «Jeke kabınetke» joldanady.
О́tinimdi óńdeý týraly habarlama eGov.kz portalynyń «Jeke kabınetinde» 30 mınýt ishinde paıda bolady.
Qyzmetter eGov.kz portalynda «Azamattarǵa» - «Densaýlyq saqtaý» - «Medısınalyq kómek» bóliminde qoljetimdi. Analogııalyq qyzmetterdi eGov Mobile mobıldi qosymshasynyń «Densaýlyq saqtaý» bóliminen alýǵa bolady.