Otandyq rejısser Ardaq Ámirqulov ótken ǵasyrdyń 30-shy jyldaryndaǵy qıyn kezeńdi baıandaıtyn «Jel toqtaǵan jer» fılminiń túsirilimin aıaqtady, dep habarlaıdy Egemen.kz.
Otandyq týyndy asharshylyq kezinde ómir súrgen jas áıel men onyń balalary jaıynda baıandaıdy. Fılm jelisi boıynsha onyń kúıeýi Sibirge jer aýdarylǵan, al kelinshek balalaryn jetektep jalǵyz asyraýshysynyń artynan erip barady. Áıeldiń joly búkil Qazaqstandy basyp ótedi, ol synaqtar men qıyndyqtarǵa toly bolady.
«Fılm qalyń kórermenge arnalǵan, óıtkeni fılmde baıandalatyn qaıǵyly oqıǵa ár qazaq otbasyn tebirentedi», dep jazdy Ulttyq kınony qoldaý memlekettik ortalyǵy.
Rejısserdiń aıtýynsha, kórkem fılmniń túsirilimi aıaqtaldy, endi komanda ony montajdaýy kerek.