Qazaqstanda 3 mln 700 myńnan astam oqýshy bıylǵy oqý jylyn aıaqtady, dep habarlaıdy Egemen.kz Oqý-aǵartý mınıstrliginiń baspasóz qyzmetine silteme jasap.
Búgin 2022-2023 oqý jylynyń sońǵy kúni. El boıynsha 172 myń túlek 11-synyp bitirdi, onyń ishinde 6 800 oqýshy - «Altyn belgi» úmitkerleri.
«9-synypty 288 myńnan astam túlek támamadady. 1-10 synyp aralyǵyndaǵy balalardyń 85,3 paıyzy, atap atıqanda 2 mln 800 myń bala jazǵy demalys jáne saýyqtyrý baǵdarlamalarymen qamtylady. Onyń 500 myńy - jekelegen sanattaǵy otbasy balalary», delingen mınıstrlik habarlamasynda.
Balalar demalysyn uıymdastyrý úshin 218 qala syrtyndaǵy jáne 10 200 mektep janyndaǵy, profıldik, shatyrly lagerler jumys isteıtini qosa habarlandy.
«Sondaı-aq «Etnoaýyl», «Jazdyq joldama» jobalary iske asyrylady. Jazǵy demalysta 1 mln 400 myń bala úshin qosymsha bilim berý mekemelerindegi seksııalar men úıirmeler ashylady. Ǵylymı-tehnıkalyq, mýzykalyq, kórkemdik, ekologııalyq, týrıstik jáne basqa da baǵyttardaǵy 11 myń úıirme balalardy qabyldaýǵa ázir», dep qosty vedomstvo ókilderi.