Internet-bankıngti meńgergender

Qazir barlyq derlik bank­tiń mo­bıldi qosymshasy ju­mys isteıdi. Qar­jy ınstıtýty basshylyǵy da soǵan úlken mán berip otyr. Olar úshin qa­zir banktiń ekojúıesin damytý, so­ǵan oraı mobıldi bankıngti joǵary deńgeıde qalyptastyrý, qolaıly ári tıimdi onlaın júıe arqyly klıent tartý óte mańyzdy.

Finprom.kz málimeti bo­ıynsha «Google Play»-degi «Qarjy» sekto­rynda bıyl qańtar-naýryz araly­ǵynda «Kaspi.kz», «Jusan» jáne «Halyk Bank» mobıldi qosymshalary tany­maldylyq turǵysynan kósh bas­taǵan. Bul bankterdiń shyǵandap alǵa shyǵýy zańdy da. О́ıtkeni atal­ǵan qarjy uıymdary keıingi jyldary óz qosymshalaryn udaıy je­tildirýmen boldy, memlekettik organdarmen sát­ti ıntegrasııa jasady jáne ser­vısterdi damytýǵa kóp kóńil bóldi. Mysaly, «Jusan» taıaýda ǵana óz mobıldi qosym­shasyn tolyq jańartty. Onyń aıasynda dızaıny da, fýnksııasy da jańǵyrdy, tıisinshe paıdalanýshylar úshin qo­laıly bola tústi.

Joǵaryda atap ótke­ni­miz­deı, qa­zirgi kezde bank­ter mobıldi qosym­shada tek bank qyzmetterin ǵana tirkep qoımaıdy, sonymen birge to­lyqqandy ekojúıe usynýǵa tyrysady. Máselen, «Kaspi» jáne «Halyk» qosymshalary arqyly túrli qyzmetter aqy­syn tóleý, alýan túrli qu­jattar júktep alý­­men qatar, jeke kásipkerlikti tir­keý, júr­gizý múmkindigi de bar. «Jusan Bank»-te de servıs joǵary dáre­jede jetil­diri­l­gen. О́zgelerden bir erek­she­ligi, mun­da baǵaly qaǵazdar na­ry­ǵyna shyǵý úshin ınves­tısııalyq shot ashýǵa bolady.

Qazir bank pen qarjy qyz­met­teriniń sıfrlanýy jalpy eko­no­mıkanyń ajyramas bólshegine aınalyp kele jatyr. 2022 jyly qolma-qolsyz jasalǵan operasııalar qurylymyndaǵy onlaın-operasııa úlesi boıynsha 64,6 paıyzdy, kólemi boıynsha 82,5 paıyzdy quraǵan. Kún saıyn el turǵyndary ortasha eseppen alǵanda tikeleı sıfrly bankıng kómegimen 15,2 mln operasııany jú­zege asyrady. Ondaǵy soma kólemi 234,7 mlrd teńgeden asyp ketedi.

Ranking.kz sarapshyla­rynyń aıtýynsha, bul úrdis tek Qazaqstanǵa ǵana tán emes. Jahandyq sıfrlyq ban­­­kıng paıdalanýshylary 2024 jyl­ǵa qaraı 3,6 mıllıardqa jetedi dep boljanyp otyr. Mobıldi ban­kıng­ti paıdalanýshylardyń 94 pa­ıyzǵa jýyǵy sıfrlyq bankıng qyz­metterine aıyna keminde bir ret qol jetkizetinin aıtady. Mysaly, AQSh-ta bank­tik shot ıeleriniń shamamen 89 paıyzy óz qarjysyn basqarý úshin mobıldi ban­kıng­ti paıdalanady.

Qazaqstandaǵy jetekshi bankterdiń mobıldi qosym­shalary – tek negizgi banktik qyzmetterdiń jıyntyǵy ǵana emes, jalpy kóptegen túrli qyzmetter men múmkindikterdi qamtıtyn úlken ekojúıe. Buǵan saı elde sıfrlyq saýattylyq ta aıtarlyqtaı joǵary kór­setkishke ıe. Máselen, 2022 jyl­­dyń qorytyndysy boıynsha bul kór­setkish 88,3 paıyzǵa jetipti. 2021 jyly sıfrlyq saýattylyq deńgeıi 87,3 paıyz bolsa, 2020 jyly – 84,1 paıyz, 2019 jyly – 82,1 paıyz, 2018 jyly 79,6 paıyz bolǵan.

Halyq arasynda qolma-qol aqsha­syz operasııalardy júzege asy­rýdyń eń kóp taraǵan tásili – ınter­net jáne mo­bıldi bankıng. Qolma-qol aqshasyz jas­alǵan on operasııanyń segizi on­laın túr­de júr­giziledi. In­ter­net jáne mo­bıl­di ban­kıngtiń basty ar­tyq­­shylyqtary mynalar:

- ýaqyt únemdeý – bank bólimshe­lerine barýdyń, kezekte jáne kepte­lis­te turýdyń qajeti joq. Bul kez kelgen operasııany óńdeýdi aıtarlyqtaı jyldamdatady.

- mobıldilik – júıege ınternetke kirýge múmkindigi bar kez kelgen jerde, sonyń ishinde uıaly telefondar, planshettik kom­pıýterler jáne bas­qa qu­ryl­ǵylar arqyly shekteýsiz qol­jetkizýge bolady.

Ikemdilik – táýligine 24 sa­ǵat, aptasyna 7 kún qol­je­timdi.

Aqsha únemdeý – tólem men aýdarymdardy óńdeý shyǵyny azaıady.