Birinshi orta salmaqtaǵy álemniń burynǵy chempıony Haıme Mýngııa Golovkındi qaıtadan jekpe-jekke shaqyrdy, dep habarlaıdy Egemen.kz.
Haıme Mýngııa 2018 jyly da Golovkınmen judyryqtasqysy keletinin aıtqan. Degenmen komıssııa onyń Golovkınmen jekpe-jek ótkizýge daıyn emestigin aıtyp, ruqsat bermegen bolatyn.
«Biz únemi Golovkın men Charlo sııaqty myqtylardy kózdep kelemiz. Olarmen jekpe-jekter bizdiń baqylaýymyzdan tys jaǵdaılarǵa qatysty ótpeı qaldy. Charlo rıngke eki jyl shyqpady, biraq áli chempıon. Aldaǵy jospary qandaı ekenin bilmeımin, alaıda onymen aıqasýǵa daıynmyn. Golovkınge qatysty, biz onymen jekpe-jek boıynsha habarlastyq, degenmen sol kúıi jaýap bolmady. Qazir ol demalys rahatyn kórip jatqan sııaqty», deıdi Mýngııa.