27-28 shilde aralyǵynda elordada lańkestikke qarsy kúres jónindegi astanalyq jedel shtab josparly antıterrorlyq oqý-jattyǵýlar ótkizedi, dep habarlaıdy Egemen.kz.
Is-sharanyń maqsaty – quqyq qorǵaý jáne arnaıy organdardyń kúshteri men quraldarynyń lańkestik kórinisterge jedel den qoıý tapsyrmalaryn oryndaýǵa daıyndyǵyn tekserý.
«Shekteý sharalaryn engizý, onyń ishinde jaıaý júrginshiler men kólik quraldarynyń qozǵalysyna da nazar aýdarylady. Oqý-jattyǵý ártúrli kúrdelilik elementteri bar naqty urys jaǵdaılaryna barynsha jaqyn bolmaq», dedi Terrorızmge qarsy kúres jónindegi astanalyq jedel shtabynyń ókilderi.
Terrorızmge qarsy kúres jónindegi elordalyq jedel shtab júrgizilip jatqan oqý-jattyǵý sharalaryn túsinýge, qaýipsizdik sharalaryn saqtaýǵa, tartylǵan memlekettik qyzmetkerlerdiń zańdy talaptaryn saqtaýǵa, tek resmı aqparat kózderine senýge jáne halyq arasynda jalǵan aqparattyń taralýyna jol bermeýge shaqyrady.