Almaty qalasynyń Aqkent yqsham aýdanynda kópqabatty turǵyn úılerdiń biri órtenip, adamdar terezeden sekirýge májúr bolǵan. Almaty qalalyq Densaýlyq saqtaý basqarmasy atalǵan oqıǵadan zardap shekken 31 adam aýrýhanaǵa jetkizilgenin naqtylady, dep habarlaıdy Egemen.kz.
«2023 jyly 1 tamyzda saǵat 18:30-daǵy jaǵdaı boıynsha Alataý aýdany, Aqkent yqsham aýdany, 54 úı mekenjaıynda bolǵan órt saldarynan qala aýrýhanalaryna 31 adam jetkizildi, onyń 16-sy - bala. Zardap shekkender din aman, qaza tapqandar joq. Naýqastardyń densaýlyq jaǵdaıy týraly qosymsha habarlanatyn bolady», dedi Almaty qalasy Densaýlyq saqtaý basqarmasynyń baspasóz qyzmeti.
Aıta keteıik, kópqabatty turǵyn úıdegi órt saǵat 18:46-da sóndirildi.
Oqıǵa ornynda qalalyq TJD kúshteri men quraldary sapynan 50 adam jáne 14 tehnıka jumys istedi, onyń ishinde 3 avtosaty bolǵan.