Batys Qazaqstan oblystyq daryndy balalarǵa arnalǵan aqparattyq tehnologııalar boıynsha mamandandyrylǵan mektep-lıseı-ınternatyn bıylǵy jyly 36 túlek támamdap, olardyń 33-i memlekettik bilim grantyn ıelendi, dep habarlaıdy Egemen.kz.
Al óz erikterimen baıqaýǵa qatyspaǵan úsh túlek: Ádilbek Jomart 11 synypta júrgende Astanadaǵy Nazarbaev ýnıversıtetiniń grantyn jeńip alsa, Darıa Radzıevskaıa Samara memlekettik tehnıkalyq ýnıversıtetine oqýǵa túsken, al Ádil Qajymov Túrkııanyń Sakarııa ýnıversıtetiniń grantyn jeńip alǵan.
Dál osyndaı jetistikti «Sáýlet» lıseıiniń 22 túlegi de qaıtalaǵan eken. Onyń ishinde úsh oqýshy «Altyn belgi», tórteýi úzdik attestatqa ıe bolǵan. 5 tamyzda jarııalanǵan memlekettik granttyń qorytyndysy boıynsha lıseıdiń bıylǵy barlyq túlegi memlekettik stıpendııaǵa ıe bolǵan.
Taǵy aıta keterligi, Qaztalov pen Báıterek aýdandaryndaǵy eki aýyldyń mektepteriniń barlyq túlegi de bıyl memlekettik bilim grantynyń ıegeri atanǵan eken.