Respýblıka kúnine oraı memlekettik nagradalar men syılyqtardy tapsyrýǵa arnalǵan saltanatty jıynda Prezıdent Qasym-Jomart Toqaev halyqaralyq sarapshylar Qazaqstandy beıbitshilik besigi sanaıtynyn aıtty, dep habarlaıdy Egemen.kz Aqordanyń baspasóz qyzmetine silteme jasap.
«Álemdegi ahýaldyń qandaı kúrdeli ekenin kórip otyrsyzdar. Bedeldi halyqaralyq sarapshylar Qazaqstandy beıbitshiliktiń besigi dep ataıdy. Qazir biz aımaqtyń mádenı-rýhanı ortalyǵyna aınaldyq. Bıyl sheteldiń óner ujymdary elimizde 200-den astam mádenı is-shara ótkizdi. Bul – turaqtylyqtyń, tynyshtyqtyń aıqyn kórinisi. Muny basqalarǵa úlgi-ónege deýge bolady. Al turaqsyzdyq jaılaǵan elge eshkim umtyla qoımasy anyq. Beıbitshilik – bizdiń basty baılyǵymyz. Onyń qadirine jetip, baǵalaı bilý – bárimizge ortaq paryz. Muny elimizdiń árbir azamaty, ásirese, óskeleń urpaq tereń túsinýi qajet», dedi Memleket basshysy.