19 qazanda 22 jastaǵy boıjetken ápkesimen birge aýla jolymen kele jatqan, dep habarlaıdy Egemen.kz Qostanaı jańalyqtaryna silteme jasap.
«Ol jerde negizinen adamdar jaıaý júredi, artymyzdan kólik kele jatyr eken. Bizge sıgnal bergen sııaqty boldy. Daýsy álsiz ǵana, alystan estildi. Sosyn kólik meni kenet soǵyp jiberdi. Men qorqyp kettim, aıaǵymnan áreń turdym, qulap qalsam, meni basyp ketedi degen oı boldy. Bar kúshimdi jıyp, sekirip turdym da qolymdaǵy qaǵaz ydystaǵy kofeni kóliktiń artynan laqtyryp jiberdim. Júrgizýshi atyp shyǵyp, aıqaılaı bastady: «Siz meniń sıgnal bergenimdi estimeısiz be?!» degen ol birden betimnen judyryqtaı jóneldi», dep túsindirdi Elena oqıǵa barysyn.
Elena osyndaı tórt soqqy bolǵanyn aıtty. Qarsylasý múmkin bolmaǵan. Ápkem ekeýmiz ázer degende qashyp qutyldyq. Ol qýyp jetpek boldy, sosyn kólikke otyryp, ketip qaldy. Elena polısııaǵa aryz jazǵanda da ol baılanysqa shyqpaǵan.
Osy keleńsiz jaǵdaıdyń jaı-japsaryn polısııa bóliminen suradyq.
Polısııa departamenti oqıǵaǵa qatysty: «48 jastaǵy Chevrolet júrgizýshisi qyzdy qaǵyp ketkenin» málimdedi. Sosyn kólikten túsken er adam onyń basynan birneshe ret urǵan. Jol-kólik oqıǵasy jáne dene jaraqaty polısııada tirkelgen.
Er adamǵa qatysty úsh ákimshilik is qozǵaldy: QR Ákimshilik quqyq buzýshylyq týraly kodeksiniń «Densaýlyqqa qasaqana jeńil zııan keltirý», «Kólik quraldary júrgizýshileriniń adamdardyń densaýlyǵyna zııan keltirýge ákep soqqan jol qozǵalysy erejelerin buzýy» jáne «Júrgizýshiniń jol-kólik oqıǵasyna baılanysty mindetterin oryndamaýy (jol-kólik oqıǵasy bolǵan jerden ketip qalýy)».
Eki bólek sot-medısınalyq saraptama taǵaıyndaldy, onyń qorytyndysy boıynsha prosessýaldyq sheshim qabyldanady.
Eki fakti boıynsha sońǵy sheshimdi ákimshilik sot shyǵarady.