Batys Qazaqstan oblysy Terekti aýdanynyń prokýratýrasy júrgizgen taldaýda kámeletke tolmaǵan oqýshylardyń bilim berý mekemesinde, ıaǵnı, aýdannyń 14 mektebinde tyıym salynǵan ınternet-kontentke erkin qol jetkizý faktisi anyqtaldy, dep habarlaıdy Egemen.kz oblystyq prokýratýranyń baspasóz qyzmetine silteme jasap.
Monıtorıng júrgizgen Terekti aýdanynyń prokýratýrasy oqýshylardyń sýısıd pen zorlyq-zombylyqty nasıhattaıtyn saıttarǵa erkin kirý múmkindigi bolǵanyn áshkereledi. Osylaısha, jol berilgen buzýshylyqtar úshin oblystyń bilim salasyndaǵy sapany qamtamasyz etý departamentine prokýrorlyq qadaǵalaý aktisi engizildi. Sonyń nátıjesinde Ákimshilik quqyq buzýshylyq týraly kodekstiń 409-babynyń 7-2-bóligi boıynsha 14 mekteptiń dırektory ákimshilik jaýapkershilikke tartyldy. Prokýrorlyq qadaǵalaý aktisimen aýdannyń barlyq bilim berý mekemelerinde osyndaı ınternet-saıttarǵa kirýge shekteýler qoıyldy.