Almatyda arhıv qyzmetkerlerine arnalǵan «Arhıv qorlaryn jınaqtaý jáne memlekettik esepke alýdy júrgizý» taqyrybynda óńirlik semınar ótti, dep jazady Egemen.kz Mádenıet jáne aqparat mınıstrliginiń baspasóz qyzmetine silteme jasap.
Semınar barysynda arhıv qorlaryn sapaly jınaqtaý, Ulttyq arhıv qorynyń quramyna qujattardy jatqyzý boıynsha ólshemsharttardy qoldaný, memlekettik esepke alýdy júrgizý erekshelikteri, onyń ishinde «Qujattardyń biryńǵaı elektrondyq arhıvi» aqparattyq júıesindegi máseleler talqylandy. Eki seksııa boıynsha josparlanǵan taqyryptyq alańda arhıvshiler arhıvtik qujattardy jınaqtaý jáne esepke alý jónindegi zańnama normalaryn jáne normatıvtik quqyqtyq aktilerdiń talaptaryn is júzinde qoldaný boıynsha jumys tájirıbesimen bólisti.