Elimizde 1 naýryzdan bastap jańa ıpotekalyq baǵdarlama bastalady. Buryn kópshilikke 9-20-25 degen ataýmen tanys baǵdarlama endi «Otaý» ataýymen júzege asyrylmaq. 1 naýryzdan bastap 30 sáýirge deıin azamattar Baspana market (otbasybank.kz) portalynda baǵdarlamaǵa qatysýǵa ótinishin joldaı alady.
Baǵdarlamaǵa «Otbasy bank» salymshylary, onyń ishinde turǵyn úı kezeginde turǵan azamattar qatysady.
Baǵdarlama talaptary mynadaı:
Úmitkerdiń jınaq shoty eń kemi 18 aılyq bolýy kerek; О́tinim berý sátinde depozıttegi jınaq somasy 1 mln teńgeden kem bolmaýǵa tıis; Baǵdarlamaǵa qatysýshyda jáne onyń otbasy múshelerinde keıingi 5 jyl ishinde jyljymaıtyn múliktiń bolǵan-bolmaǵany qatań tekseriledi; Almaty jáne Astana qalalarynan turǵyn úı alatyn jaǵdaıda sol qalalarda turaqty tirkeýi bolýy qajet; Jobaǵa 18-63 jas aralyǵyndaǵy kez kelgen azamat qatysa alady, degenmen 35 jasqa deıingi jumys isteıtin jastarǵa basymdyq beriledi.«Jyl saıyn biz qarjylandyrýǵa 150 mlrd teńge baǵyttaımyz. Bul aqsha «Otbasy banktiń» óz qarajaty esebinen bólinedi, sondaı-aq Qazaqstan qarjy naryǵynan da qaryz alyp, qarajat tartýdy josparlap otyrmyz. «Otaý» baǵdarlamasy 7 jylǵa eseptelgen. Osy kezeńde biz 50 myń azamattyń turǵyn úı máselesin sheshýge kómektesemiz, deıdi «Otbasy bank» AQ basqarma tóraǵasy Lázzat Ibragımova.
О́tinim berý ýaqyty aıaqtalǵannan keıin, otbasybank.kz saıtynda qatysýshylar tizimi avtomatty túrde jasaqtalady. Oǵan eń kóp upaı jınaǵandar kiredi.
Upaılar qalaı esepteledi?
Salym boıynsha syıaqy mólsheri úshin – árbir 1 000 teńgege 5 ball; Salym merzimi úshin – salymnyń árbir jyly úshin 5 ball; Tirkelgen neke úshin – 10 ball; Balalardyń bolýy úshin – sanyna qaramastan 50 ball.Eger úmitkerlerdiń upaı sany birdeı bolyp qalsa, onda basymdyq salym somasy kóbirek jáne jınaqtaý merzimi uzaǵyraq adamdarǵa beriledi. Irikteýden ótken qatysýshylar 40 jumys kúni ishinde nesıelik ótinim bere alady. Bankten oń maquldaý alǵan jaǵdaıda nesıelik ótinim 6 aı ishinde jaramdy bolady. Osy ýaqyt aralyǵynda baǵdarlamaǵa qatysýshy baspana taýyp, nesıe alyp, turǵyn úıdi satyp alýy kerek.
Zaem kólemi qandaı jáne qandaı turǵyn úı satyp alýǵa bolady?
Almaty men Astanadaǵy zaemnyń eń joǵary somasy – 30 mln teńgege deıin; Qalǵan óńirlerde – 18 mln teńgege deıin. Tek alǵashqy naryqtaǵy turǵyn úı – Almaty, Astana, Shymkent qalalarynda jáne oblys ortalyqtarynda (onyń ishinde QTK kepildigimen úlestik qatysý sharty boıynsha); Basqa eldi mekenderde kez kelgen turǵyn úı.Baǵdarlamaǵa qatysýshy jańa turǵyn úıdi Baspana market (otbasybank.kz) portalynan ǵana satyp ala alady. Bul qyzmet jańa turǵyn úı baǵdarlamasynyń bastalýy aıasynda turǵyn úı baǵasynyń jasandy ósýine jol bermeýge arnalǵan. Árbir nysan atalǵan platformaǵa ornalastyrylmastan buryn, turǵyn úıdiń aǵymdaǵy naryqtyq baǵasy negizinde qunyn bekitý úderisinen ótetin bolady. Eger ol naryqqa sáıkes kelse, onda qurylys salýshymen sharshy metr baǵasyn belgileı otyryp, turǵyn úıdi satý týraly kelisim jasalady.
«Otaý» baǵdarlamasynyń negizgi sharttary:
Alǵashqy jarna – 20%-dan bastalady; Kredıt boıynsha mólsherleme – jyldyq 9% (JTSM 9,2%-dan bastalady). Nesıe merzimi – 19 jylǵa deıin.«Otaý» baǵdarlamasyn iske asyrýdyń barynsha ashyqtyǵy úshin onyń qatysýshylarynyń tizimi (zaem alýshylardyń kelisimimen) «Otbasy bankiniń» saıtynda jarııalanady. Árbir adam ótinimderdi irikteý jáne upaılardy esepteý nátıjelerimen otbasybank.kz portalda tanysý múmkindigine ıe.