Sý tasqynyna baılanysty Oral qalasynda barlyq mektepter erteńnen bastap onlaın oqytýǵa kóshedi, dep habarlaıdy Egemen.kz.
Oral qalasy bilim berý bóliminen habarlaǵandaı, óńirdegi tótenshe jaǵdaı ýaqytynda balalardyń qaýipsizdigin qamtamasyz etý maqsatynda bilim berý uıymdarynyń pedagogıkalyq keńesi osyndaı sheshim qabyldady.
«15 sáýirden bastap qala mektepteri men qosymsha bilim berý uıymdarynda oqý prosesi onlaın formatta Bilimland.kz jáne Daryn.online platformalarynda uıymdastyrylady. Oqýshylardy tehnıkalyq oqytý quraldarmen qamtý jumysy oılastyrylyp jatyr. Ata-analardan balalardyń qaýipsizdigin únemi qadaǵalaý suralady. Balabaqshalar ázirge shtattyq rejımde jumys isteıdi», dep habarlady vedomstvodan.
BQO bilim basqarmasy baspasóz qyzmetiniń naqtylaýynsha, Aqjaıyq, Báıterek, Bórli, Terekti aýdandarynyń mektepteri men Oral qalasyndaǵy kolledjder de onlaın oqıdy.