Bas qala ákimdigi abattandyrý kezinde elorda kóshelerin laılaǵan 18 qurylys kompanııasy jazalǵanyn habarlady. Tekserýdi qalalyq Qorshaǵan ortany baqylaý jáne sapa basqarmasy aýdan ákimdikteriniń mamandarymen birlesip júrgizdi, dep jazady Egemen.kz.
Tekserý barysynda qurylys nysandaryndaǵy dóńgelekterdi jýý pýnkti, negizgi jol tósemine qatty janasý, qurylys qorshaýlarynyń bar-joǵy baqylaýǵa alyndy.
Nátıjesinde 88 nysanda tártip buzýshylyq faktileri anyqtaldy. Eskertpeler oryndalmaǵan jaǵdaıda polısııa departamenti QR ÁQBtK 505 jáne 630-baptary boıynsha qorshaýlar men dóńgelekterdi jýý pýnktteri normalarynyń talaptaryna sáıkes kelmegeni úshin ákimshilik hattamalar jasaıtynyn qaperge saldy.
Osylaısha, elordanyń tabıǵatty qorǵaý polısııasy abattandyrý erejelerin buzǵany úshin, onyń ishinde qorshaýlardyń erejege saı ornatylmaǵany úshin 18 qurylys nysany ákimshilik jaýapkershilikke tartyldy.