Bokstan Sıdneı Olımpıadasynyń kúmis júldegeri Muhtarhan Dildábekov SPORT+ basylymyna bergen suhbatynda Parıj Olımpıadasynda baq synaıtyn boksshylardyń baby týraly aıtty, dep jazady Egemen.kz.
Muhtarhan Dildábekov Tokıo olımpıadasyndaǵy nátıjeni eskere otyryp, Parıjdegi synǵa joldama alǵan boksshylardyń múmkindigin saralady.
«Sáken Bıbosynov pen Qamshybek Qońqabaev ekinshi Olımpıadasyna qatysýǵa daıyndalyp jatyr. Ekeýi de Olımpıadanyń ne ekenin biledi. Aǵaıyndy Oralbaılar men Mahmud Sabyrhan syndy sportshylar da kútpegen nátıjemen qýantýy múmkin. 2000 jyly Bekzat Sattarhanovty da Olımpıada jeńimpazy bolady dep kim kútken? Meniń oıymsha, bıyl altyn medal kútýge bolady, qazir qazaq boksynyń jeńisti dástúrin qaıtarý úshin qoldan kelgenniń bári jasalyp jatyr. Parıj oıyndaryna eki aıǵa jýyq ýaqyt qaldy. Olımpıadadan keıin qazaq boksy jeńis dástúrine qaıta oralady dep oılaımyn», dedi Sıdneı Olımpıadasynyń kúmis júldegeri.