Budan bylaı aıyppul tóleýdi keshiktirgen el azamattarynyń múlkine shekteý qoıylmaıdy, dep jazady Egemen.kz.
Búgin Ádilet vıse-mınıstri Bekbolat Moldabekov Ortalyq kommýnıkalar alańynda ótken brıfıngte 50 kúnde aıyppul tóleý merzimi bitken azamattarǵa taǵy da habarlama jiberiletinin aıtty. Dálirek aıtqanda, burynǵydaı iske jeke sot oryndaýshylary aralaspaıdy ári olardyń qyzmetine tólenetin 25 paıyz qarjy turǵyndardyń qaltasynda qalady.
Osy baǵyttaǵy jeke sot oryndaýshynyń qyzmetin robottar atqarady.
«Máselen, «Sergek» kamerasy arqyly aıyppul arqalap, ony tóleýge úlgermeı qalsańyz siz qoldanatyn bank qosymshalaryna SMS jáne push-habarlama jiberemiz. Robot jumysy arqyly jyl saıyn azamattardyń 2,2 mıllıard teńgesin únemdeý josparlanyp otyr. Osylaısha, jeke sot oryndaýshyǵa artyq aqsha tólenbeıdi», dedi Bekbolat Moldabekov.