Petropavl qalalyq soty «Agrarlyq nesıe korporasııasy» AQ-nyń Soltústik Qazaqstan oblysy boıynsha fılıalynyń dırektoryna qatysty úkim shyǵardy, dep jazady Egemen.kz.
Ol aýyl sharýashylyǵy taýaryn óndirýshilerden arnaıy tehnıka satyp alý jáne aınalym qarajatyn tolyqtyrýǵa nesıe qaryzdaryn jedeldetip bergeni úshin, 100 jáne 500 myń teńge mólsherinde birneshe ret para alǵan.
«Sot úkimimen oǵan memlekettik qyzmette jáne kvazımemlekettik sektor sýbektilerinde qyzmet atqarý quqyǵynan ómir boıyna aıyra otyryp, 7 jylǵa bas bostandyǵynan aıyrý túrindegi jaza taǵaıyndaldy. Úkim zańdy kúshine engen joq», delingen Sybaılas jemqorlyqqa qarsy is-qımyl agenttiginiń habaralamasynda.