Shaıbaly hokkeıden Slovakııanyń Bratıslava qalasynda ótip jatqan 2026 jylǵy Olımpıadaǵa irikteý týrnırinde Qazaqstan quramasy joldama ıelene almady, dep jazady Egemen.kz Ulttyq Olımpıadalyq komıtetke silteme jasap.
Sheshýshi matchta Qazaqstan quramasy Slovakııaǵa ese jiberdi. Qos komanda D tobynda 6 upaı jınap Vengrııa men Avstrııany qapy qaldyrǵan.
Al Olımpıada joldamasyna qorytyndy matchta jeńiske jetken komanda ǵana qol jetkizetin edi. Bul kezdesýde el quramasy Sloavkııa hokkeıshilerinen 3:1 esebimen jeńildi.
Qazaqstan sapynan jalǵyz shaıbany Nıkıta Mıhaılıs soqty. Osylaısha, Olımpıada oıyndaryna Slovakııa joldama aldy.
Eske salaıyq, bul týrnırde Qazaqstan Vengrııany 5:2, Avstrııany 2:1 esebimen utqan edi.