Túrkistan oblysy Jedel basqarý ortalyǵynyń polıseıleri túngi saǵat 03:00 shamasynda jol erejesin óreskel buzǵan onǵa jýyq júrgizýshini anyqtady, dep habarlaıdy Egemen.kz.
Túrkistan qalasynyń J.Maıkotov – Almaty kósheleriniń qıylysynda Lexus RH330, Hyundai Elentra, Daewoo Nexia, Lada, VAZ 2114 kólikterin tizgindegen onǵa tarta júrgizýshi temir tulparlarynyń nómirin alyp tastap, kortej jasap júrgeni anyqtaldy.
Bul derek boıynsha birden jaqyn aýmaqta júrgen patrýldik polısııaǵa habar berildi. Oqıǵa ornyna jetken avtoekıpaj jol erejesin buzǵan kólikterdi toqtatýǵa belgi berdi. Alaıda olar polısııanyń zańdy talabyna baǵynǵysy kelmedi. Osy sátte taǵy bir ekıpaj kómekke baryp, jan-jaqty júrgizilgen sharalar nátıjesinde quqyqbuzýshylarǵa tusaý qoıyldy.
Tekserý kezinde kólikterdiń jol erejesin saqtamaı, turǵyndardyń tún tynyshtyǵyn buzǵany belgili boldy. Beınejazba jasaý úshin quqyqbuzýshylyqqa barǵan jas jigittermen profılaktıkalyq túsindirme jumystary júrgizildi. Nátıjesinde, quqyq buzǵan jas júrgizýshilerdiń avtokólikteri aıypturaqqa jetkizildi.
Atalǵan kólik ıelerine birneshe bappen, ıaǵnı memlekettik tirkeý belgileri joq jáne qarsy baǵytqa shyǵyp kólik basqarǵany boıynsha ákimshilik shara qoldanyldy.