Fransııa astanasy Parıj qalasynda «Qazaqstan Kameratasy» klassıkalyq mýzyka ansambli «Kóshpeliler áýenderi» baǵdarlamasyn usyndy, dep habarlaıdy Egemen.kz Mádenıet jáne aqparat mınıstrliginiń baspasóz qyzmetine silteme jasap.
Konsert Bagatel saıabaǵyndaǵy jylyjaıda uıymdastyryldy. Parıj jurtshylyǵy mýzykanttardyń oryndaýshylyq deńgeıin joǵary baǵalady.
Ansambl qazaqstandyq jáne túrki kompozıtorlarynyń shyǵarmalaryn oryndady. Konsert baǵdarlamasynda Abaı Qunanbaıuly, Qurmanǵazy Saǵyrbaıuly, Vladımır Strıgoskıı-Pak, Almas Serkebaev jáne Habıbýlla Setekovtyń týyndylary boldy.
Is-sharany Parıj botanıkalyq baǵynyń kýratory men Parıj merııasy uıymdastyrdy. Sonymen qatar, Bagatel botanıkalyq baǵynyń 10 jyldyq mereıtoıyna oraı Botanıka jáne fıtoıntrodýksııa ınstıtýtynda ósirilgen Qazaqstan ósimdikteriniń úlgileri syıǵa tartyldy.