Aiden Bot – tek robot emes, ol oqýshylardyń qorǵaýshysy ári dosy.
Oqýshylar arasyndaǵy býllıng – qazirgi zamannyń eń úlken áleýmettik máselelerdiń biri. Mıllıondaǵan bala býllıngtiń qurbany bolyp, zardap shegip júr. Olardyń kóbi óz jaǵdaıy týraly eshkimge ashylyp aıta bermeıdi. Osy máselede Aiden Bot kómegi zor bolmaq. Ol mekteptegi agressııanyń alǵashqy belgilerin birden baıqap, daýys yrǵaǵynan oqýshynyń ishki sezimderin tanıdy. Sodan keıin jaǵdaıdy mektep muǵalimderine nemese psıhologke habarlaıdy.
Hospıs robot
Adamnan kórmegen qamqorlyqty endi robot jasaıdy.
Hospıs qyzmeti – bul aýyr dertke shaldyqqan naýqastarǵa medısınalyq jáne psıhologııalyq kómek kórsetý. Mundaı qyzmet túrin endi robottar da jasaı alady. Mysaly, Japonııada qurastyrylǵan PARO atty robot-ıtbalyq pasıentterge emosıonaldyq qoldaý kórsetken. Ol adamdarmen baılanys ornatyp, ózderin jalǵyz sezinbeýine jaǵdaı jasaıdy. Osylaısha robot naýqastyń kúızelisin jeńildetedi. Sonymen qatar qazirgi kezde kútim jasaýǵa kómektesetin robottar da synaqtan ótip jatyr.
Apat saldaryn joıýǵa kómektesken
Fýkýsıma-1 atom elektr stansasyndaǵy jarylystan keıin apat saldaryn joıýǵa robottar kómektesken.
Adamdarǵa qaýipti radıasııa deńgeıine baılanysty apat aımaǵynda jumys isteý múmkin bolmady. Sondyqtan robottar qutqarý jáne qalpyna keltirý jumystarynda negizgi quralǵa aınaldy. Bastapqy kezeńde ártúrli tehnologııalar radıasııa deńgeıin ólsheýge, jarylǵan reaktorlardyń ishin zertteýge, buzylǵan aımaqtarǵa kirýge qoldanyldy. Olar ǵımarattardyń jaǵdaıyn baǵalap, radıasııa týraly derekter jınap qaýipti jerlerdi zerttedi. Máselen, amerıkalyq Pack Bot pen Warrior robottary reaktor aınalasynyń lastanýyn anyqtaý jáne aýmaqtyń jaǵdaıyn baqylaýǵa qoldanyldy. Al japondar jasaǵan Quince roboty kóp qabatty reaktor ǵımarattarynyń ishine kirip, jaǵdaıdy baıandap otyrǵan.