Ádilet mınıstrligi elimizdiń ár aımaǵyna tán, sonda óndiriletin ónimderge geografııalyq nusqama berý isin baqylaýǵa aldy, dep jazady Egemen.kz.
Bul týraly búgin ótken brıfıngte Ádilet mınıstrliginiń resmı ókili Talǵat Ýálı baıandady.
Geografııalyq nusqamalar belgili bir aımaqtan shyqqan jáne ornalasqan jerine baılanysty biregeı qasıetterge nemese sapaǵa ıe, aýylsharýashylyq, azyq-túlik, qolóner men ónerkásip ónimderin anyqtaý úshin paıdalanylatyn jáne tabıǵaty men mádenıeti, tarıhy men shyqqan jerine tyǵyz baılanysy bar ónim.
О́tken jyly Almatynyń aportyna osyndaı statýs berilgen edi. О́nimderge osyndaı mártebe berip, geografııalyq nusqamany tirkeý ártúrli aımaqta óndiriletin taýarlardyń ulttyq brend retinde damýyna, sondaı-aq olardyń álemdik naryqta tanylýyn, ınvestısııalyq tartymdylyǵyn arttyrýǵa jáne týrıstik ındýstrııany damytýǵa yqpal etedi.
«Qazaqstannyń árbir óńirinde geografııalyq nusqama retinde tirkelý múmkindigi joǵary ónimder bar. Mysaly, Qazaqstandyq tary, Qyzylordalyq «Aral tuzy», Shyǵys Qazaqstannyń tabıǵı baly jáne basqa da ónimder geografııalyq nusqama retinde tirkelýi múmkin», dedi T.Ýálı.
Onyń aıtýynsha, búginge deıin 19 geografııalyq nusqama resmı tirkelgen. Olardyń ishinde
Almaty Aporty Talǵar almurty Narynqol kartoby Baqanas kúrishi «Kókshetaý» balmuzdaǵy «Kókshetaý» maıy Býrabaı baly Qaraǵandy balmuzdaǵy Qaraǵandy broıleri Qostanaı baly Túıe sútinen jasalǵan «Aral» sabyny «Aral» jantaq sabyny Qyzylorda tuzy «Qazaly» kámpıti «Qazaly» sabyny Saıram Nany TURKISTAN shokolady TURKISTAN balmuzdaǵy ChAChA sýsyny bar.Al búginde Ádilet mınıstri Azamat Esqaravtyń baqylaýynda tirkeleýge jiberilgen 109 ótinish bar.