Chevrolet Cobalt kóliginiń júrgizýshisi 1 aptada 49 ret jol erejesin buzyp, 1,2 mıllıon teńge aıyppul arqalaǵan. Ony Abaı oblysynyń polısııa qyzmetkerleri ustady, dep habarlaıdy Egemen.kz.
Oblystyq PD baspasóz qyzmetiniń málim etýinshe jol erejesin jıi buzǵan júrgizýshi – «Qorǵaý» avtomattandyrylǵan júıesi arqyly anyqtalǵan. Onyń kóligi tárkilenip, aıyppul turaǵyna qoıylǵan.
«Polısııa qyzmetkerleri jol erejelerin júıeli túrde buzý jol qozǵalysynyń qaýipsizdigine qater tóndiretinin eskertedi. Erejelerdi óreskel buzýshylarǵa qatysty kólikti tárkileýge deıingi qatań sharalar qoldanylady», delingen habarlamada.