Úkimet úıinde ótken baspasóz máslıhatynda Ulttyq ekonomıka mınıstri Nurlan Baıbazarov valıýta naryǵyndaǵy ahýal men onyń elimizdiń áleýmettik-ekonomıkalyq damýyna áseri týraly aıtty, dep jazady Egemen.kz.
Keıingi birneshe aptada valıýta naryǵy aýytqyp, ulttyq valıýta baǵamy álsirep tur. Osy jaǵdaıǵa baılanysty bıznes ókilderi tarapynan týyndaǵan tolqynystardy basý úshin Úkimet pen Ulttyq bank birlesken shara qabyldap jatyr.
Nurlan Baıbazarov teńgeniń álsireýine keıingi aılarda jahandyq dollar ındeksiniń kúsheıýi, munaıdyń álemdik baǵasynyń birshama tómendeýi men Reseı rýbliniń tómendeýi áser etkenin atap ótti.
«Mundaı jaǵdaıda Úkimettiń basty mindeti – azamattarymyzdyń áleýmettik jaǵdaıynyń nasharlaýyna jol bermeý, olardyń ál-aýqatyn qorǵaý, sondaı-aq kásipkerlerge keletin teris áserdi azaıtý. Ekonomıka men halyq úshin yqtımal teris saldardy turaqtandyrý jáne barynsha azaıtý úshin barlyq qajetti sharalar qabyldanatyn bolady. Úkimettiń bul úshin jetkilikti resýrstary men quraldary bar», dedi N. Baıbazarov.