Konkıden elimizdiń jasóspirimder quramasy Polshanyń Tomashýv-Mazoveskıı qalasynda ótken Álem kýboginiń komandalyq básekesinde qola medalǵa qol jetkizdi. Elimizdiń týy astynda Anastasııa Belovodova, Arına Ilıashenko, Alena Lıfatova óner kórsetti.
Astananyń oń jaǵalaýynda Qajymuqan Muńaıtpasov atyndaǵy fýtbol stadıony bar. Qazir ol ábden eskirip, toz-tozy shyqty. Sonyń ornyna quny 15 mıllıard teńgeden asatyn jańa stadıon salý kózdelip otyr. Jospar boıynsha kólemi 15 myń sharshy metrdi quraıtyn, 3 600 kórermenge eseptelgen úsh qabatty keshen 16 aıda boı kóterýge tıis.
Meksıkanyń Merıd qalasynda ótken ITF J500 tennıs týrnıriniń juptyq saıysynda Ámir Omarhanov pen reseılik Tımofeı Derpısko jeńimpaz atandy. Fınalda olar chehııalyq Petra Brýnlıka men ulybrıtanııalyq Charlı Robertsondy 6:4, 6:1 esebimen utty. Jekelegen básekede Ámir jartylaı fınalǵa deıin jetip, bul mejede fransııalyq Tomas Fýrelge jol berdi – 2:6, 3:6.
Taıaýda OAC men IBA uıymdary mońǵolııalyq Batarsýh Chınzorıgtiń dopıng qoldanǵanyn tolyqtaı dáleldep, osy máselege baılanysty sheshim shyǵardy. Ol tórt jylǵa sporttan shettetildi. Esterińizde bolsa, 63,5 kg salmaqta óner kórsetken dál osy bylǵary qolǵap sheberi byltyr Qytaıda alaýy tutanǵan Azııa oıyndarynyń shırek fınalynda bizdiń Ertýǵan Zeınýllınovti utqan edi. Endi erejege saı Azıadanyń qola medali qazaq boksshysyna tabys etilýge tıis.
Fınlıandııanyń Rýka qalasynda shańǵy sportynan Álem kýboginiń kezeńdik saıysy aıaqtaldy. Bul jarysta el namysyn Naıl Bashmakov, Fedor Karpov, Oljas Klımın, Svıatoslav Matasov, Vladıslav Kovalev, Vıtalıı Pýhkalo, Ernar Nurysbekov, Darıa Rıajko, Nadejda Stepashkına, Kámıla Mahmutova, Kámıla Elǵazınova, Angelına Shýryga, Ksenııa Shalygına qorǵady. О́kinishke qaraı, olardyń birde-bireýi kóńil kónshiterlik nátıje kórsete almady.
Qaraǵandynyń «Shahter» fýtbol klýbynyń bas bapkeri bolyp Irjı Iаroshık taǵaıyndaldy. 47 jastaǵy chehııalyq mamannyń esimi jankúıerlerge jaqsy tanys. Kezinde ol Máskeýdiń SSKA, Londonnyń «Chelsı», Shotlandııanyń «Seltık», Ispanııanyń «Saragosa» men «Alaves», taǵy basqa klýbtarda oınady. Chehııa ulttyq quramasynyń basty juldyzdarynyń biri boldy. Keıinnen óz elinen bólek, Slovakııa, Slovenııa, Reseıde jattyqtyrýshylyq qyzmet atqardy.
FIFA óz reıtıngin jańartty. Sońǵy kezderi sátsizdiktiń shyrmaýyǵynan shyǵa almaı júrgen elimizdiń quramasy ótken aımen salystyrǵanda úsh satyǵa tómendep, qazirgi kezde 110-orynda tur. Al aldyńǵy lektegi 10 komanda mynalar: Argentına, Fransııa, Ispanııa, Anglııa, Brazılııa, Portýgalııa, Nıderland, Belgııa, Italııa, Germanııa.
О́tken aptanyń sońynda «Barys» hokkeı klýby eki kezdesý ótkizdi. Juma kúni Magnıtogorskide jergilikti «Metallýrgten» 0:2 esebimen utyldy. Jeksenbide Máskeýde SSKA-ǵa qarsy oınap, jerlesterimiz taǵy da jeńilistiń kermek dámin tatty – 1:3. Bul «Barystyń» qatarynan besinshi básekede jeńilýi.