Halyqaralyq týrnırdegi iri jeńis týraly qala ákimdiginiń baspasóz qyzmeti habarlady, dep jazady Egemen.kz.
Birikken Arab Ámirlikterinde ótken halyqaralyq týrnırde Astana qalasy ákimdiginiń 1 Balalar men jasóspirimderdiń mamandandyrylǵan olımpıadalyq rezerv sport mektebiniń 33 gımnasshysy 17 altyn, 26 kúmis, 26 qola medal jeńip alyp, halyqaralyq arenada Qazaqstannyń sporttyq gımnastıka mektebiniń bedelin nyǵaıtty.
AQSh, Kýveıt, Qatar, BAÁ, Lıvan, Reseı, Kenııa elderiniń úzdik gımnasshylary qatysqan baıraqty básekede Qazaqstan sportshylary kópsaıys, tirenip sekirý, qossyryq, bórene, kerme jáne erkin jattyǵýlarda erekshe sheberlik kórsetip, laıyqty marapattarǵa ıe boldy.
«Bul jeńis – elimizdiń gımnastıka salasyndaǵy mańyzdy qadamy. Týrnırge qatysqan jas daryndar men tájirıbeli sportshylardyń birigýi, olardyń tabandylyǵy men ynta-jigeriniń nátıjesi. Elordalyq gımnasshylardyń osyndaı iri jeńisi – Qazaqstan sportynyń damýyndaǵy jańa belesterdiń jarqyn kórsetkishi», dedi atalǵan sport mektebiniń basshysy Danııar Tólegenov.