Izraıl delegasııasy Gaza sektorynda kepilge alynǵandardy bosatý jáne atysty toqtatý týraly kelisim boıynsha kelissózder júrgizedi, dep habarlaıdy Egemen.kz The Times of Israel basylymyna silteme jasap.
The Times of Israel basylymynyń habarlaýynsha, Izraıl delegasııasynyń quramynda SAHAL, ShABAK jáne Mossad ókilderi bar.
Buǵan deıin Kan TV arnasy Izraıl men HAMAS qazirgi ýaqytta taraptar talqylap jatqan kelisimniń gýmanıtarlyq kezeńi aıasynda kepilge alynǵandardy birtindep bosatý týraly kelisimge kelgenin habarlaǵan edi.
Medıatorlardyń pikirinshe, kepilge alynǵandardy bosatýmen shektelgen mámilege qol jetkizý aqyr sońynda barlyq kepilge alynǵandardy bosatýdy, soǵysty toqtatýdy jáne Izraıl áskerlerin shyǵarýdy qamtıtyn tolyq kelisimge ákelýi múmkin.