Birikken Arab Ámirlikteriniń Densaýlyq saqtaý mınıstrligi nekelesý aldynda juptar genetıkalyq testileýden ótý kerek ekenin málimdedi, dep habarlaıdy Egemen.kz The Jerusalem Post basylymyna silteme jasap.
Aıta keteıik, bul zań 1 qańtardan bastap kúshine engen. Buǵan deıin juptar nekelerin qıdyrar aldynda medısınalyq tekseristen ótýi tıis bolǵan. Al genetıkalyq testileýden ótý árkimniń óz erkinde bolatyn.
2022 jyly Ábý-Dabıde 800-den astam jup qatysqan Emırat genom baǵdarlamasynyń pılottyq kezeńi bastalǵan. Osy zertteýge sáıkes, genetıkalyq úılesimdilikke 86% jaǵdaıda qol jetkizilgen. Al genetıkalyq nátıjelerge negizdelgen 14% jaǵdaıda qosymsha medısınalyq kómek qajet bolǵan.
BAÁ-de talap etiletin genetıkalyq test 840-tan astam aýrýmen baılanysty 570 gendi qamtıdy, bul erli-zaıyptylarǵa otbasyn josparlaý kezinde densaýlyqtary týraly negizdelgen sheshim qabyldaýǵa múmkindik beredi.