Qazaqstan men Marokko ózara vızasyz rejim engizedi. Úkimet daıyndaǵan qaýly jobasy «Ashyq NQA» portalynda jarııalandy, dep habarlaıdy Egemen.kz.
Qos tarap vızasyz rejim engizý týraly kelisimge 2024 jyldyń qyrkúıeginde qol qoıǵan edi. Endi bul qujatty rásimdeý jumystarymen Qazaqstannyń Syrtqy ister mınıstrligi aınalysyp jatyr.
«Qazaqstan Respýblıkasy Syrtqy ister mınıstrligi Qazaqstan Respýblıkasy Úkimeti men Marokko Koroldigi Úkimeti arasyndaǵy ulttyq/jalpyazamattyq pasporttardyń ıelerin vızalyq talaptardan bosatý týraly kelisimdi bekitý jónindegi Úkimet qaýlysynyń jobasyn ázirleý jumystaryn bastady», delingen mınıstrlik habarlamasynda.
Eki el arasynda vızasyz rejim engizý týraly sheshim dostyq qarym-qatynastardy nyǵaıtý maqsatynda qabyldanǵan. Sondaı-aq bul Qazaqstan azamattary men Marokko Koroldiginiń jaramdy ulttyq jalpyazamattyq pasport ıeleriniń týrızm maqsatynda tıisti elderge kirýin jeńildetedi.