Is-sharaǵa EAEO múshe memleketter – Qazaqstan, Reseı, Belarýs, Armenııa, Qyrǵyzstan úkimetiniń basshylary qatysady, dep habarlaıdy Egemen.kz.
EAEO tóraǵasy Roman Golovchenko EAEO elderi tyǵyz ekonomıkalyq qarym-qatynastar men aýqymdy saýda aınalymyn baılanystyratynyn atap ótti. EAEO JIО́ 2025 jyldyń sońyna deıin 4%-ǵa deıin ósedi.
Bul týraly Eýrazııalyq úkimetaralyq keńestiń shaǵyn quramdaǵy otyrysynda málim boldy.
Búginde Odaqtyń JIО́ turaqty ósim kórsetip otyr. 2024 jyldyń qorytyndysy boıynsha Odaq ekonomıkasynyń negizgi jumys isteý kórsetkishi shamamen 4%-dy quraıdy. Sonymen qatar, EAEO aıasyndaǵy ekonomıkalyq úderisterdi 2030 jylǵa deıin odan ári damytý týraly deklarasııada kórsetilgen Odaqtyń jalpy paıymyna jaqyndaý úshin, onyń ishinde álemdik ekonomıkanyń damýynyń sońǵy úrdisterin, jańa tehnologııalar men ınnovasııalardyń paıda bolýyn eskere otyryp, birlesken kúsh-jigerdiń qajettiligi atap ótildi.
Sondaı-aq, taraptar óndiristiń turaqtylyǵyn arttyrýǵa jáne salanyń ınnovasııalyq damýyn qamtamasyz etýge baǵyttalǵan agroónerkásiptik keshendegi birlesken jobalardy iske asyrýdy qoldaý tetigin talqylady. Seleksııany damytý, aýyl sharýashylyǵy ósimdikteriniń tuqym sharýashylyǵy, mal sharýashylyǵy, aýyl sharýashylyǵy ónimderin qaıta óńdeý, AО́K ınfraqurylymyn keńeıtý sııaqty baǵyttarǵa erekshe nazar aýdaryldy.
Sondaı-aq, EAEO janyndaǵy baqylaýshy memleketterdiń ókilderi – Irannyń birinshi vıse-prezıdenti, Kýba men О́zbekstannyń úkimet basshylary, sondaı-aq shaqyrylǵan memleketter – Ázirbaıjan men Tájikstannyń úkimet basshylary qatysady dep kútilip otyr. Dástúr boıynsha shaǵyn jáne keńeıtilgen quramda ótetin EAEO otyrysynyń kún tártibi saýda-ekonomıkalyq yntymaqtastyqtyń keń aýqymdy máselelerin qamtıdy.
31 qańtarda EAEO-ǵa múshe memleketter, baqylaýshy memleketter delegasııalarynyń basshylary men shaqyrylǵan qonaqtar Digital Almaty 2025 sıfrlyq forýmynyń plenarlyq sessııasyna qatysady. Dástúrli túrde forým jumysyna saıası jáne qoǵam qaıratkerleri, iri IT-kompanııalardyń basshylary men sandyq sala sarapshylary qatysady dep kútilip otyr.